Reviews of Drummer Disinfectant Pine 2Ltr

• 

  سارة عمار

  (6 years, 7 months ago)

  أغلب ربات البيوت يبحثون عن التعقيم المثالي والعميق لأرضيات وأسطح المطابخ والحمامات عشان يتم حماية أطفالهم من الأمراض والجراثيم. إذا كنتم تبغون دوم المطابخ والأرضيات الحمامات تلمع من النظافة فأكيد يبغالها تنظيف وتطهير وتعطير، ريحته تهبل من جد وقوية تدوم ساعات طويلة، ورائحة الصنوبر لأنها نفاذة ماتخلي يجي حشرات ولا ذباب لأنه من خواص الصنوبر إنه يطرد الحشرات، وبعد الصنوبر رائحته مرآ زينة لهدوء الأعصاب وهذا مثبت فعليًا ودائمًا يمسحون فيه أرضيات المستشفيات. تراه جيل سائل ومو ثقيل للي يستخدمونه في الحمامات يثبتونه جوا السيفون -أكرمكم الله- عشان يكون معطر ومعقم ما يثبت وفورًا ينزل لأنه مو ثقيل يبغالكم جيل يكون ثقيل عشان ماينزل بسرعة من أول دفعه. والأفضل انكم تحطونه على ممسحة وتمسحون فيه الأرضيات والسيراميك والبلاط. لين الحين مافي أحد استخدمه واتحسس منه لا في اليدين وقت ماتمسحون ويلامس الجلد، ولا أحد اشتكى من ريحته وتأثيرها على التنفس ولم يتسبب في أي نوع من أنواع الحساسية، لكن إذا يديكم جاتكم حكة غسلوها مرآ زين بالمويه والصابون ولا تستخدمونه إلا وأنتم لابسين كفوف، و اللي مايحبون ريحة الصنوبر أو مايفضلونها الأفضل لا يشترونه لأن ريحته قوية. ماندري عن فعاليته صدق في تعقيم والقضاء على ذيك الكائنات اللي مانشوفها مثل بيكتيريا وإذا نبغي زيادة تأكيد الأفضل نستخدم شي مؤكد عنه أنه مخصص للتعقيم ، لكن الجميع أكدوا انه مافي حشرات ظاهرة أو كائنات تنشاف بالعيون. عن النظافة وأنه يزيل الوسخ عن الأرضيات، ماينظف زين لو دهون مايشيلها يبغالكم تستخدمون منظف أرضيات لأنه مطهر ومعطر أكثر من أنه ينظف ولو الأفضل كان صار بعد منظف ليش نجيب كذا سائل ونخلط. بعد فترة من الاستخدام المتواصل لذيك السائل تلاحظون أنه الأرضيات اتغير لونها صارت تميل للأصفر شوي، يمكن عشان هو مطهر يتفاعل مع الأرضيات ويأثر على لونها خاصة إذا كانت بيضاء مو ألوان. مايخلي الأرضيات عليها رواسب أو اللون كأنه صار عليه طبقة جير بالعكس يخليها تلمع وخاصة لو سيراميك أو رخام أو الأرضيات الألمونيوم والبلاط والزجاج بكل أنواعه.