Reviews of Contigo SnapSeal Stainless Steel Travel Mug - 16-Ounce

• 

  سارة عمار

  (6 years, 7 months ago)

  إذا كنتم في دوام طويل أو تهتمون في كبار السن أو مسافرين وتحتاجون لأكواب حفظ فهذه الحافظة مرآآ زينة تحفظ درجة حرارة النسكافيه أو القهوة أو الشاي أو العصير لمدة تزيد عن 6 ساعات ل8 ساعات أقصى شي هي تحفظ البارد والحار. وهذه مرآآ عملية مع بداية العام الدراسي فيحتاجها كثيرين من المعلمات والطلاب والموظفين في الدوام. وبعد تحافظ على درجات حرارة المنخفضة للعصاير والمثلجات. معدن الصنع ممتاز لا يطلع روايح مع الحرارة المرتفعة لذيك المشروبات ولا مع الغسيل وبعد ما تنظفونها، ونوع البلاستيك حقها أمان من الناحية الصحية للاستخدام مع الحرارة المرتفعة ولا يتأثر بالحرارة، لكن يحتاج تعقيم كل فترة عشان لا يكون رواسب مضرة. بعد 5 ساعات يبدأ الطعم شوي يتغير خاصة إذا كان جواتها شاي سخن وهذا مو عيب فيها هذي خاصية طبيعية في الشاي لأنه يتأكسد مع فترة الحفظ الطويلة وهذا يغير الطعم. الغطاء حقها ما يسكب المشروب ولا يسربه محكم تمامًا لكن لو تحبون تغسلونه وتنظفونه صعب ينفك لأنه متصل بالكاسة الحفظ ماينفتح كله، يبغاله فرشة مخصصة تدخل في الفتحات ويجب عليكم أنكم تنظفونه مرآآ زين. مالها مقبض ما راح تعرفون تمسكونها، وهي فيها عازل حراري ما راح تلاقون الكوب ملمسه لا بارد ولا حار. لو طاحت الغطاء فقط ممكن يتأثر لكن الحافظة لا مايصير عليها شي. سعتها زينة تناسب استخدام فردي لكن مايصير تعبونها لين توصل لآخر شي، يجب أن يكون فيها فراغ عشان وأنتم تشربون لا ينسكب عليكم المشروب. الطبقة الخارحية أحيانًا مع تكرار الغسيل بكثرة وتأثير الصابون المنظف، والحرارة الخارجية المرتفعة أو تعرضها للشمس أو الرطوبة المرآآ مرتفعة تقشر الطبقة المطلية وممكن لونها يتغير. فتحة الغطاء إذا فتحتوها لا ترفعونها مرآآ لفوق وأنتم تشربون تراها تسرب وخاصة إذا كانت ممتلئة لين الآخر. مالها حقيبة تنشال فيها لزوم السفر والطلعات تنبلشون فيها مع مسكتها. مالها قطع غيار زي أغطية بديلة لو خرب غطاها وتُعتبر من الأدوات المنزلية ضرورية لكنها مو مهمة.