Reviews of JAC 3690 Oil Heater - 9 Fins

• 

  Mona El Bagoury

  (6 years, 5 months ago)

  الدفاية الزيت من جاك بتعتبر دفاية صديقة للبيئة وكمان موفرة للكهرباء إلى حد ما ده لأنها بتوقف استهلاك أي طاقة كهربائية بمجرد ما توصل لدرجة الحرارة المطلوبة يعني هتقدر تتجنب زيادة حرارة الغرفة بشكل أكتر من اللازم وكمان هتحافظ على فاتورة الكهرباء بتاعتك، مش بس كدا لأ دي كمان هتخليك قادر تتحكم وتظبط درجة الحرارة اللي أنت عايزها عن طريق الثرموستات وأنظمة التشغيل والحرارة اللي بيوصل عددها لحد 3 أنظمة. الدفاية بتحتاج مدة زمنية بين 10 إلى 15 دقيقة عشان تبدأ عملية التسخين وحوالي 30 دقيقة كمان عشان تخليك تحس بفرق في حرارة الأوضة، والجدير بالذكر كمان أنها بتقدر تحافظ على الحرارة لوقت طويل، بس هتلاقي أن الأوضة اللي فيها الدفاية محتاجة دايما تهوية بشكل جيد، وكمان الدفاية محتاجة تغيير للزيت بشكل روتيني. تصميم الدفاية مودرن ومناسب لأغلب ستايلات الديكور وفيها عجلات عشان تقدر تحركها بكل سهولة، وكمان فيها تايمر لمدة 24 ساعة عشان تظبط الدفاية على الوقت اللي أنت عايزها تفصل بعده وبكده هتقدر تنام وأنت مرتاح، بس رغم المميزات دي هتلاقي أنها مفيهاش جهاز تحكم عن بعد، ومش مناسبة للمساحات الكبيرة ده لأنها 9 ريشة بس، وكمان هتلاقي أن سعرها عالي بالمقارنة مع الدفايات اللي بتشتغل بالشمعة.