Reviews of Biscuit maker machine

• 

  Soha Ahmad

  (5 years, 10 months ago)

  أهم حاجة في كل حاجة هي الإخراج لأنه الشكل النهائي اللي بيتوج ويظهر جمال أي حاجة، وبما إني بحب أفنن في كل حاجة من وانا صغيرة زي ما أمي علمتنا، وعيت عالدنيا لقيت عند ماما ماكينة البيتي فور دي وكنت بستنى اليوم اللي تعمل بتي فور علشان أنا اللي اعمل الأشكال كلها وبما إن فيها 18 شكل كنت بحب أعملهم كلهم وكانت سهلة جدا بالنسبة لي وانا طفلة وكانت ماما بتشتري أشكال تانية زي اللعب والأقماع واركبها وبكدا كنا بنستخدمها في بلح الشام وتزيين التورت بالكريمات، هي سهلة التنضيف وسهلة كمان في استخدامها بس تعرف الطريقة الصح وهي انك تشيل الكباس وتملاها بالعجين وطبعا بتكون مركب الشكل اللي عايز تشكل به تحت وتوقفها بشكل عمودي وهي لازقة على الصاج او الصينية اللي هتخبز فيها وتكون مدهونة زيت أو سمنة وتضغط مرتين أول مرة وبعد كدا ضغطة واحدة كل مرة وهتطلع الأشكال لأني لقيت ناس كتير بتعملها في الهوا وتقول مش بتطلع مظبوطة، المقبض مريح في الاستخدام ومش بيعيبها غير ان الأشكال ورود كلها ومفيهاش أقماع وممكن تحل المشكلة دي بشراء اشكال واقماع منفصلة، المنتج جميل وبيدي أشكال رائعة