البنك 1غرفة واسعة بها عدد من المكاتب، باب على اليسار يؤدي إلى الخارج، وباب على اليمين يؤدي إلى مكتب المدير.الوقت: الثامنة والنصف صباحًا.(يُرفع الستار عن مجموعة الموظفين جالسين على كراسيهم الجلدية ويتناقشون في أمورهم اليومية).الموظف 1: مش هتفطرونا بقى!الموظف 2: مش فطرت امبارح؟الموظف 1 باستهزاء: دمك خفيف قوي!الموظف 2: مش أخف من دمك!الموظف 3: بس.. هس.. المدير بيلف وجاي على هنا.. استعدوا كله على كرسيه.دخل المدير مرتديًا بدلة رمادية ونظارة سميكة وقد كسى الشيب رأسه.المدير: سامع دوشة ليه؟ هو لازم أفتش عليكوا بنفسي عشان أطمن أن كل واحد من حضراتكوا شايف شغله؟!الموظف 1: وحضرتك تتعب نفسك ليه احنا نجيلك لحد عندك.المدير: طبعًا، تيجوا إنتو عشان ماجيش وأشوف الدلع والفطار والهزار والذي منه.الموظف 1: والله يا جناب المدير لسه مفطرناش. المدير: نعم يا أخويا! ما تفطروا في بيوتكوا ولا فاكرينه كافية مش بنك. ولا عايزيني أجيبلكوا مكنة قهوة بكام ألف علشان حضراتكوا تتبسطوا. مش كفاية كل باشا فيكوا جاي متأخر عن ميعاده!في هذه الأثناء تدخل موظفة ترتدي جونيللا ضيقة وقصيرة.. ويُسمع صوت تصفير من باقي الموظفين.