مميزات وعيوب فرن بلت ان كهرباء بالشواية من زانوسي، 60 سم، ستانلس ستيل - B35602 XK

• 

  أمنية عزمي

  (1 سنة, 7 أشهر ago)

  أنا بحس عامة ان الأفران الكهربا بتفرق عن الغاز في الأمان ورغم ان استهلاكه للكهربا عالي لكن بالنسبة لي أفضل، فرن زانوسي ال60 سم من الأنواع الكويسة وتسويته للأكل وتوزيعه للحرارة كويس خاصة ان فيه مروحة داخلية بتساعد على توزيع الهوا السخن والتسوية المثالية، والشواية حلوة وبتطلع الأكل مقرمش ومظبوط، وليه كذا مستوى تقدر تظبط عليه رف الفرن، وفيه ميزة التسخين السفلي بستخدمها في تسخين التوست أو أي أكل، الشاشة الديجيتال مريحة في استخدامها وواضحة وعبارة عن تايمر بظبطه عالوقت اللي محتاجاه، هو استانلس من برا وميزته انه مش بيبصم وسهل في تنضيفه ومن جوا مينا بتلمع وتنضيفها سهل برضه، اللي صعبة في تنضيفها المروحة الداخلية، الباب كويس من جوا وبدون فجوات ودا بيسهل تنضيفه لكن مش محكم كفاية وممكن يسرب حرارة، تاني حاجة حجمه مش بينجد في العزومات أو لو عايزا اعمل اكتر من صنف.