مميزات وعيوب وايت ويل فرن كهربائي 30 لتر 1800 وات WO-135RCSS

• 

  Soha Ahmad

  (2 سنة, 7 أشهر ago)

  فرن وايت ويل الكهربائي كويس جدا في الاستخدام بالنسبة لي والتسوية فيه حلوة جدا وسريعة والصينية اللي تحت المستطلية حجمها كويس في المخبوزات، بيوفر درجات حرارة مناسبة بتقدر تتحكم فيها من 100 ل 250 درجة، المروحة الداخلية بتفرق جدا في تسوية الأكل بشكل مثالي أو تسخينة لكن مش سلسة في تنضيفها من الزيوت، فيه شواية تكفي فرخة وممكن كفتة لكن مش بتاخد كتير وتسويتها حلوة، في ازرار تحكم في الحرارة وبتقدر تستخدم تسخين سفلي بس أو تسخين علوي بس اللي هو الشواية أو الاتنين مع بعض وطبعا سيخ الشوي برضه لوحده وكله بيشتغل معاه المروحة، فيه تايمر 60 دقيقة وبيديك انذار بعد انتهاء المدة ويفصل أتوماتيك، قوته 1800 واط، بينفع كمان تفك الأكل المجمد فيه، السلك قصير نوعا ما وبتحتاج تركبه جنب الكهربا، ومفيهوش خاصية أمان للأطفال، ومفيش فيه إضاءة داخلية.