مميزات وعيوب White Point WPTL 8 DG - غسالة ملابس تحميل علوي - 8 كيلو

• 

  Mona El Bagoury

  (6 سنة, 2 أشهر ago)

  الغسالة أدائها كويس وعملية جدا لأنها بتدعم 3 وظائف وهما الغسيل والشطف والعصر، وكمان اقتصادية جدًا في استهلاك الكهرباء والمياه يعني من الآخر مش هنتعب نفسيا أول ما نشوف الفاتورة، مش بس كدا لا دي اقتصادية كمان في مسحوق الغسيل لأن من الممكن استخدام كل أنواع المساحيق العادية اللي سعرها عادة بيكون مناسب وموفر بشكل كبير في الميزانية ومش لازم الأتوماتيك اللي سعره بيكون غالي، وكمان الغسالة تحميل علوي بتخلينا نضيف كل الغسيل اللي أحنا عايزينه في أي وقت حتى والغسالة شغالة ده رغم أنها غسالة أوتوماتيك الغسالة فيها ميزة جديدة وحلوة جدا وهي تجفيف الهواء اللي بتتيح غسيل الهدوم من غير إضافة مياه وده بفضل نظام التهوية القوي وبكده توفير الوقت والجهد، وفيها مدخلين واحد للمياه الباردة والتاني للمياه الساخنه، بس مفيهاش سخان داخلي عشان يسخن المياه خلال الغسيل يعني لو احتاجنا فجأة أننا تغسل بمياه سخنه هنضطر نضيفها بنفسنا أو نوصل وصلة المياه السخنة من السخان فيها شاشة رقمية عشان تظهر أي تفاصيل متعلقة بالغسيل زي مثلا فاضل قد أيه على انتهاء دورة الغسيل وبرنامج الغسيل اللي شغال، وفيها 10 برامج غسيل عشان تناسب كل الاحتياجات، بس رغم كل المميزات دي إلا أن سعة الغسالة متوسطة يعني ممكن متبقاش مناسبة بالنسبة لناس كتير أو للعائلات اللي عدد أفرادها كبير