مميزات وعيوب طقم حلل جرانيت تركي من لاينز 9 قطع

• 

  Soha Ahmad

  (4 سنة, 5 أشهر ago)

  الجرانيت من الخامات الحلوة جدا في الطبخ، بيتحمل الحرارة العالية وبيتصنع من الألومنيوم عليه طبقة جرانيت سميكة بتحميه من ان الأكل يلزق فيه، سمك الأواني عالي ودا بيخليه عملي ومناسب ومن مميزات السمك انه بيكون بيحافظ على ثبات الأواني واكتسابه للحرارة وتوزيعها بيكون عالي ومش بيحرق الأكل وسهل جدا في تنضيفه، الطقم عبارة عن 4 حلل بمقاسات 20 و22و 24و 28 بالإضافة لطاسة جريل مقاسها 28 سم والحلل ليها غطيان ستانلس واليد والغطا عازل للحرارة ودي ميزة، من عيوب الطقم دا انه مش مكتوب عليه انه خالي من الكادميوم ودي حاجة مهمة جدا وعلشان كدا سعره أقل من الأنواع التانية لأن طبعا اللي بيفهم في الأواني الجرانيت لازم يجيبه مكتوب عالكرتونه no PPOFA وطبعا دا مش مكتوب عليه، وعلشان كدا لما كنت بدور رفضت أشتريه، غير ان الأنواع الجيدة مش بيكون فيها نقط.