مميزات وعيوب Toshiba VC-EA100 مكنسة كهربائية - 1600 واط - أحمر

• 

  Mona El Bagoury

  (6 سنة, 4 أشهر ago)

  مكنسة توشيبا معروفة بتصميمها الأنيق والعصري، وبقدرتها على توفير درجة عالية من النظافة بسرعة وكفاءة عالية بفضل قدرتها الكبيرة على شفط الأتربة والغبار في كيس الأتربة اللي سعته 4 لتر واللي سهل فكه وتنضيفه وتركيبه مرة تانية، وكمان بتتميز بوجود نظام فلتر مقاوم للبكتريا اللي بدوره بيمتص المواد المسببة للحساسية وبيتخلص من الروائح الكريهة وبالتالي تنقية الهواء الخارج من المكنسة من أي بكتيريا بكفاءة عالية والحفاظ على نظافة وصحة البيئة. من الممكن التحكم فى قوة المكنسة عن طريق مفتاح إنزلاقى، وكمان فيها مؤشر بيصدر ضوء بمجرد ما يكون كيس الأتربة ممتلئ وفي حاجة لتفريغه، وبكرة عشان تسحب وتلف سلك المكنسة عليها بشكل تلقائي، خصوصا أن السلك طويل إلى حد ما وده بيخليها مريحة جدا في التنقل من مكان لآخر وكمان مش هيخليك تحتاج تنقل فيشة الكهرباء كل شوية، بس وزنها تقيل وده بيصعب استخدامها ونقلها بالنسبة لبعض المستخدمين، وكمان بتستهلك كهرباء كتير يعني ممكن تجيلك فاتورة كهرباء عالية بسببها. توكيل توشيبا العربي معروف بأنه واحد من أحسن التوكيلات لأنه بيقدم خدمات صيانة ممتازة وفنيين محترفين في كل المدن والمحافظات، كل اللي عليك أنك تتواصل بسهولة وأمان مع خدمة العملاء في أي وقت عن طريق الخط الساخن 19319، وكمان لو احتجت أي قطع غيار للمكنسة هتلاقي القطع الأصلية متوفرة بسهولة بس سعرها غالي شوية.