مميزات وعيوب Tornado خلاط مع 2 مطحنة MX5200/2 - 500 وات

• 

  Farida Ahmed

  (3 سنة, 9 أشهر ago)

  تورنيدو معروفة بمنتجاتها وجبت الخلاط بناءا على سمعتها والحقيقة هو كمواصفات مناسب جدا لسعره، خلطه سريع وقوي جدا، الشفشق بتاعة بلاستيك ضد الكسر ودي حاجة مهمة لأنه معرض للوقوع، وكمان مرقم بالمقاسات علشان لو محتاج معيار معين يظبط معاك مش هتحتاج تجيب معيار خارجي، قوته مش بتنفع مع كل حاجة يعني ما بيستحملش عصاير سموزي ولما بخلط فيه طماطم مش بتتفرم بشكل كامل وبتحتاج فترة طويلة، لكن بيطحن التوابل بشكل كويس جدا، ليه سرعة بطيئة وسرعة قوية وسرعة متقطعة، وطبعا فيه مكان لتخزين السلك، شفراته ستانلس ستيل حادة وقوية وسهلة التنضيف، وثابت في شغله مش بيتحرك لأن ليه أرجل مطاط، شكله حلو لكن بيحتاج مكان في التخزين، عليه ضمان سنة، مش بيعيش كتير وبتلاقيه ابتدى يبوظ بعد سنة يعني مش من الأنواع المعمرة.