مميزات وعيوب تليفزيون سمارت فل اتش دي 32 بوصة مع 2 ريموت كنترول وحامل حائط من سيمفوني LED320SM-Q

• 

  Farida Ahmed

  (2 سنة, 11 أشهر ago)

  سعره مناسب لمواصفاته، حجم الشاشة كويس للأماكن المتوسطة ودقيقة لكن مش بالدقة والوضوح العالي وبإضاءة خلفية ليد اللي بتدي سطوع عالي للشاشة وتباين للون الأسود، لكن الليد فيها مشكلة انها بتبوظ بعد فترة وبتعمل خطوط بالعرض وتصليحها مكلف، ألوانه كويسة، فيه مشغل وسائط متعددة إتش دي إم آي بيساعدك تنسخ صوت وصورة بوضوح بدون ضوضاء خارجية، ومنفذ ڨيجا بتوصل الكمبيوتر به وتستخدم الشاشة لمحتويات الكمبيوتر، ومعاه حامل تقدر تعلقه عالحائط لكن هو مش رفيع يعني الشاشة بتاخد حيز كبير وراها في كل الأماكن، ضمانه سنة واحدة ودا مش كفاية والصيانة الخدمة فيها مش قوية ومش بالمستوى المطلوب يعني لو بتجيب حاجة تمنها معقول هتضطر تصرف عليها بعد كدا تصليحات ومشاكل بتتكلف كتير

• 

  Samy Wafeeq

  (2 سنة, 11 أشهر ago)

  سيمفوني صناعة كوري ومواصفاته عالية وفي تقنيات حديثة وبسعر حلو جدا بالنسبة لفئته، دقة الشاشة فيه عالية 1920×1080، الألوان طبيعية وواضحة والصوت في الشاشات ال 32 بوصة فيه مشكلة في مكبرات الصوت، سعة تخزين الذاكرة 8 جيجا، الشاشة سمارت أندرويد بتقدر تتصفح منها المواقع وتشوف يوتيوب وتوصلها كمان بالموبايل الأندرويد عن طريق الواي فاي وتشوف أي محتوى، قطع غياره الأصلية متوفرة عند شركة سيمفوني وعليها ضمان 6 شهور، الشاشة ليد سطوعها عالي وتباين اللون الأسود فيها واضح ورغم اني كنت قلقان من الليد في الشاشات انه بيتحرق بسرعة لكن الحقيقة بستخدمه بشكل عالي بقالي فترة كبيرة ومفيش مشاكل، فيه منفذين يو إس بي ومنفذين إتش دي، مفيهوش اريال أرضي، خامات الصنع ضعيفة جدا وانا شخصيا علقته عالحائط حفاظا عليه وبييجي معاه حامل للحائط ومعاه 2 ريموت، كسعر ومواصفات يعتبر جيد جدا.