مميزات وعيوب Sony Xperia XA1 Ultra -6.0 بوصة - 32 جيجا بايت - ثنائى الشريحة - ذهبي

• 

  Mona El Bagoury

  (6 سنة, 6 أشهر ago)

  أداء الموبايل كويس جدا وسخونته مقبولة إلى حد ما مع الاستخدام المتواصل أو الاستخدام التقيل، وهتقدر تشغل عليه أكتر من تطبيق في نفس الوقت من غير ما تواجه أي بطء أو تهنيج، وكمان هتقدر تسمع كل اللي أنت عايزه عليه من غير ما تواجه أي صعوبة ده لأن صوت السماعات نقي وواضح. الكامير الخلفية بتعتبر واحدة من أهم مميزات الموبايل ده لأنها هتخليك قادر تاخد صور بألوان واضحة تماما، بس برغم المميزات الكتير الكويسة اللي بتتمتع بيها الكاميرا دي إلا أنها مفيهاش خاصية المثبت البصري اللي بتخلي الصور مش مهزوزه وكمان مش بتوفر تصوير مقاطع فيديو بدقة وضوح 4k ده غير أن الفيديوهات مش بتكون واضحة في الإضاءة الضعيفة، أما بالنسبة لصور السيلفي فهي بتكون واضحة جدا حتى في الإضاءة الضعيفة وده لأن دقتها 16 ميجابيكسل ومزودة بفلاش LED. الموبايل شكله جميل بس المواد البلاستيكية المصنوع منها بتتسبب في ظهور أي أثر للبصمات عليه وده بدوره بيقلل من شكله الجمالي، أما الشاشة فهي بتقدم صورة كويسة بدرجة نقاء عالية في أشعة الشمس بس ألوانها باهته إلى حد ما ده لأنها بتقنية HD مش Full HD.. كمان هتقدر تستخدم شريحتين الاتصال وكارت الميموري في نفس الوقت من غير ما تضطر للاستغناء عن أي شريحة منهم، والبطارية بتشتغل بشكل كويس إلى حد ما وبتدعم الشحن السريع بس يعيبها أنك مش هتقدر تشيلها أو تغيرها من غير ما ترجع لمراكز الصيانه.