مميزات وعيوب Samsung WW80T4020CX1AS Front Load Washing Machine - 8 KG - Inox
Farida Ahmed
(2 سنة, 1 أشهر ago)
غسالة سامسونج من الغسالات اللي عجبتني جدا في برامجها والتكنولوجيا اللي بتستخدمها في التنظيف، تكنولوجيا ECO Bubble تنضيفها عالي في أقل درجات الحرارة، وفيها التنظيف المكثف Bubble Soak دا للبقع المستحيلة زي بقع الدم والكركديه والشاي والحاجات دي وبينضف كويس جدا، الموتور فيها إنفرتر بيوفر في الكهربا وبيحافظ على هدوء الغسالة وبالمناسبة تعتبر أكتر غسالة ملعاش صوت وهي بتشتغل، فيها دورة تنضيف صحي بالبخار بتعجبني جدا وبتنضف من غير مساحيق وبتحافظ على الهدوم بكرمشة قليلة تسهل الكي، حجمها كبير وبرامجها كتير ومختلفة وتصميمها حلو وخاماتها عالية، وفيها شاشة كبيرة للإعدادات، وفيها قفل علشان الأطفال، يمكن سعرها عالي شوية لكن الحقيقة هي قيمة تستحق السعر، الغسالة عليها ضمان 5 سنين من سامسونج وضمان الموتور 10 سنين، الحقيقة هما قرفوني شوية وقت التسليم في المواعيد وكدا لكن في ناس اتعاملت معاهم وبتقول ان مستوى الصيانة كويس، وللمصداقية برضه قطع غيارها أسعارها عالية.
مراجعات Samsung WW80T4020CX1AS Front Load Washing Machine - 8 KG - Inox