سامسونج جالاكسي A21s من الموبايلات الحلوة جدا في فئته السعرية وبيقدم مميزات عالية في الكاميرات والبطارية وحجم الشاشة، وزي أي منتج ليه مميزاته وعيوبه، بيتميز بكاميرا خلفية رباعية 48822 رائعة في دقة صورها وفيديوهاتها ووضح التصوير الليلي فيها والكاميرا والثبات العالي اللي بيتميز به تصوير الفيديو، الكاميرا الأمامية كمان حلوة جدا بدقة 13 ميجا بكسل، الموبايل مساحته 64 جيجا و4 رام والمعالج إكزينوس 850 ثماني النواة مستواه معقول لكن فيه أحسن منه في نفس الفئة، نظام التشغيل أندرويد 10، بطاريته من أقوى مميزاته 5000 مللي أمبير وبتدعم الشحن السريع لكن بقوة 15 وات وبالتالي بتاخد وقت في الشحن، البصمة فيه سريعة، صوته حلو بس مش ستيريو وفيه ميكروفون عازل للضوضاء، الشاشة دقتها HD ودي من العيوب والألوان مش واضحة خاصة في الأبيض والأسود، بيعيبه انه بلاستيك من الجوانب والضهر، وان المعالج مش أحسن حاجة في فئته، لكن كمواصفات وسعر يعتبر حلو جدا.