مميزات وعيوب فريش بوتاجاز غاز 90 × 60 من هامر - فضي - امان كامل - رقمي ستانلس ستيل

• 

  Farida Ahmed

  (2 سنة, 2 أشهر ago)

  بوتاجاز هامر من فريش من الأنواع الحلوة في المنتجات المصرية، 5 عيون وفي منهم واحدة كبيرة ثلاثية، حجمه كبير وفرنه واسع وفيه شواية ومروحة داخلية بتساعد كتير عالتسوية بشكل مميز رغم انها بتبقى صعبة في تنضيفها، الفرن والشواية منفصلين كل واحد بمفتاح لكن أوقات بيعلق ومش بيشتغلوا مع بعض، مساحة سطح البوتاجاز كبيرة بياخد حلل أحجام كبيرة مع بعض مرتاح والحوامل الزهر فيه مميزة وعريضة بتحفظ الأواني عليها بشكل عالي، بيشتغل اشعال ذاتي وفيه خاصية الأمان انه يفصل الغاز أتوماتيك لو العين اتطفت، بعد فترة العيون بتتسد ونارها بتبقى قليلة، فيه شاشة ديجيتال تاتش كبيرة، ومؤقت 60 دقيقة، قطع الغيار بتاعته غالية وأوقات الشركة بتحمل المستخدم التكاليف في فترة الضمان رغم ان ضمانه 7 سنوات، مستوى خدمة العملاء فيه شكوى منه.