مميزات وعيوب Panasonic NI-JW 660T Steam Iron - 2200 W

• 

  أمنية عزمي

  (1 سنة, 5 أشهر ago)

  مكواة باناسونيك الموديل دا من الأنواع المريحة جدا في الاستخدام، بتسخن بسرعة لسببين أولهم إنها بتوصل ل 2200 وات والتاني إن القاعدة مطلية تيتانيوم وهو من أحسن وأقوى أنواع الأسطح في المكواة وناعم جدا عالأقمشة وبتتحرك بشكل سلس على أي قماش حتى الجينزوبيخلي المكواة عمرها طويل، من أكتر المميزات اللي بتميزها عن غيرها إن القاعدة مديية من الناحيتين وشكلها بيضاوي والتصميم دا بيخلي المكواة ما تكرمشش الهدوم لما ترجع عليها بضهر المكواة لأن الحركة دي بتبقى مأساة الحقيقة، السلك بيلف معاك يعني ضد التشابك، وفيها مكان لنفث البخار بيساعد على فرد الهدوم، خزان المية فيها شفاف بيوضح مستوى المية مع الاستعمال، لكن مش بييجي معاها أداة لملو الخزان، والعيب اللي فيها إنها مفيهاش خاصية نفث البخار للتنضيف الذاتي للمكواة واللي بيمنع تجمع الكلس وبحتاج أنضفها كل فترة.