مميزات وعيوب قلاية بدون زيت موديكس ديجيتال، 7.5 لتر، ابيض - AF9900 - قلايات - اجهزة منزلية صغيرة

• 

  Soha Ahmad

  (3 سنة ago)

  قلاية موديكس ال 7.5 لتر من الأنواع الهايلة في حجمها وبتاخد كميات كبيرة حوالي 2.5 كيلو في المرة وبالتالي بتنفع جدا مع العائلات، بتشتغل بتكنولوجيا الهواء السريع ومن أحسن مميزاتها السرعة العالية في دوران الطعام مع موجات الهوا السخن في كل أنحاء القلاية ودا بيساعد على خروج الأكل صحي مقرمش ذهبي وخفيف بدون دهون، فيها أربع إمكانيات عبارة عن قلي وخبز وشوي وتحميص، وبالتالي بتنوع الوجبات فيها زي البطاطس المحمرة والفراخ المشوية والمخبوزات والمافن بشكل صحي لذيذ وسريع، فيها شاشة ديجيتال مرسوم عليها كل أنواع الأكل وبتختار منها نوع الأكل والحرارة والتوقيت بيتظبط أتوماتيك وممكن تختار الحرارة والتوقيت يدوي ومع الاستخدام اكتشفت ان مش كل البرامج بتظبط صح وبقيت أظبطها يدوي، فيها زرار في المقبض بيحكم غلقها وبيفصل الحلة الداخلية وسهل تتنضف وبتتحط في غسالة الأطباق، في أكلات طعمها بيتغير ودا مع كل أنواع القلايات بس بتاخد عليها، في العموم هي هايلة في الاستخدام.