مميزات وعيوب Lazord جريل جرانيت - مقاس 28 - مع مقلاية عميقة جرانيت - مقاس 24 - موف

• 

  Soha Ahmad

  (1 سنة, 7 أشهر ago)

  الطقم ده عباره عن جريل جرانيت وقلايه غويطه جرانيت برده اللي هي الووك، الجريل مقاس 28 سم والقلايه مقاس 24 سم، يعتبروا من الانواع المتوسطه سواء في خامتهم او سعرهم ومناسبين للاستخدام الصحي المريح ومواصفاتهم كويسه، سمك الحافه بتاعه القلايه والجريل معقولين جدا وبالتالي بيستحملوا الحراره وتوزيعهم للحراره كويس، اليد من البلاستيك عازله للحرارة، الجريل حلو في الشوي ومساحته كبيره بياخذ كميات كبيرة، والطاسه برضه او القلايه الووك حلوه ومساحتها كبيره وغويطه طبعا بتنفع في المقليات اللي بتحتاج زيت كثير وبينفع يتعمل فيها اكلات زي التشاينيز والحاجات دي بتبقى مناسبه أوي ليها، خامات الجريل والووك مضاده للالتصاق بنسبه كويسه بس محتاجه رعايه في الاستخدام وانك ما تستخدمش معها غير المعالق الخشب او السيليكون، تثبيت اليد فيها معقول لكن مش احسن حاجه يعني لو مسكتها منها وانت بتنظفها او تغسلها بعد فتره هتتخلع فخلي بالك من النقطه دي.