مميزات وعيوب Kiriazi فريزر رقمي E250N 6/3 - 6 أدراج - 250 لتر

• 

  Farida Ahmed

  (2 سنة, 9 أشهر ago)

  كنت بدور على ديب فريزر ومحتارة بين كريازي ونوع تاني، لكن الحقيقة لما جبت كريازي ال 6 درج حسيت إنه مفيش وجه مقارنة في الحجم بينه وبين أي نوع تاني، والأدراج فيه حجمها كبير جدا يعني الدرج بياخد 20 كيلو، وفيه درج صغير فيه مكعبات التلج وأوقات بحط فيه صواني أو حاجة للتبريد السريع، الأدراج عليها مؤشر لنوع اللحوم والشهور علشان الصلاحية، فيه خاصية التجميد السريع بس تستخدم للضرورة لأنها بتحمل عالموتور، الموتور قوي وبيتحمل درجات الحرارة العالية، تبريده من جوا هايل وفيه طبقات عازلة حوالي 10 سم بتحفظ البرودة وبتقلل استهلاك الكهربا دا غير إنه من الفئة أ يعني قوة وتوفير في الكهربا، فيه شاشة ديجيتال بيبين الحرارة وبتقدر تتحكم في درجات الحرارة من ال setting وفيه إنذار لو سبت الباب مفتوح وفيه قفل أمان للأطفال، ولمبة ليد داخلية، عيبه الوحيد ان جلدة الباب مش قوية وبتحتاج تتأكد إنه قفل، غير كدا ممتاز وضمان 10 سنين.