مميزات وعيوب عجان كينوود شيف XL، 1200 واط، ابيض - KVL4100

• 

  Soha Ahmad

  (2 سنة, 10 أشهر ago)

  عجان شيف إكس لارج من كينوود من الأنواع اللي تجيبيها وانت مغمضة، يعتبر أحسن نوع في السوق، سعره عالي لأنه معمر وبيقدم مواصفات عالية للمحترفين ومريح جدا في التعامل، قوة الموتور فيه عاليه بيتحمل خلط المكونات الصعبة بكفاءة، الوعاء ستانلس ستيل قوي وخاماته تحفة وحجمه كبير بياخد كميات، معاه 3 ملحقات واحد منهم شكل K لتحضير البسكوت ومضرب بيض للكريمات والحلويات وخطاف العجين لتحضير البيتزا والمخبوزات، ومضرب بيض شبك معدني بحجم كبير للكريمات المختلفة والكيك، ومضرب للعجين زي البيتزا والفطائر، وفيه مكان علةي مخصص لإضافة خلاط بشكل منفصل وبيتحمل كل أنواع العصائر، وبتقدر تضيف عليه لحد 25 ملحق للاستخدام موجودين في السوق، صوته هادي وثباته عالي وكفائته قوية جدا في الخلط بفضل التروس المعدنية، عيبه إنه تقيل ومحتاج مكان تخزين، وقطع غياره مش دايما متوفرة.