مميزات وعيوب Grouhy مكواة سيرينو تصميم ايطالى شاشة ديجيتال سيراميك مزدوج 2400وات

• 

  Mona El Bagoury

  (6 سنة, 2 أشهر ago)

  المكواة سهلة الاستخدام وعملية جدا لأنها القاعدة بتاعتها مكونة من طبقة سيراميك مزدوجة اللي بيعرف بأنه أحسن أنواع الأسطح في المكاوي وبيوزع الحرارة بشكل كويس على الهدوم وكمان غير لاصق، وكمان فيها ميزة نفث البخار اللي بتزود مساحة الكي وبالتالي توفير كي مثالي خصوصا لو كانت الهدوم مكرمشة بشكل كبير المكواة آمنه في الاستخدام لأن فيها ميزة الإيقاف التلقائي اللي بيخلي المكواه تطفي وتفصل كهرباء لوحدها لو فضلت فترة من غير ما تتحرك ودي خاصية آمنه جدا هتضمنلك الحماية من احتمالية حدوث حريق في المكواة لو الحراره زادت عن اللازم، وبتحتوي على خزان كبير من المياه وفيه رذاذ المياه للحصول على رطوبة أكتر للملابس حسب الحاجة، ولكن الخزان ده مش شفاف وده معناه أنك مش هتقدر تشوف فاضل قد ايه من المياه اللي جوا المكواة، وكمان مش من الممكن إزالته، بس فيها خاصية مانع التقطير لوقف تسريب أي مياه يعني بعد ما تملى فلتر المياه وتحركها أو تقلبها هتلاقي أنها مش بتنزل أو تنقط مياه خالص المكواة بتدعم ميزة التنظيف الذاتي يعني هتقدر تنظف خزانها بنفسها كل فترة وفيها شاشة LED تعمل باللمس عشان تتحكم بكل سهولة في درجة حرارة المكواة وتثبت كمية البخار الخارجة من المكواة بشكل صحيح حسب نوع الأقمشة، وفيها خاصية دفع البخار عموديا عشان تسهل كي الستائر أو الهدوم المعلقة، ورأس المكواة رفيعة عشان توصل للأماكن الصعبة زي منطقة الأزرار والدرزات، بس على الرغم من كل المميزات دي هتلاقي أنها مش موفرة خالص في الكهرباء