مميزات وعيوب غسالة ملابس تحميل علوي فريش، سعة 5 كيلو، ابيض - الشطورة

• 

  مصطفى شعبان

  (6 سنة, 6 أشهر ago)

  غسالة الملابس ذات التحميل العلوى من فريش بمقاسات 1متر طول ، 58سم ×55سم خارجياً وسعة 5 كيلو، بيتم استخدام مسحوق عادي فيها تصنعيها تم في مصر و الغسيل بيتم ادخاله للغسالة بشكل علوي يعني باب الغسالة من فوق. فريش بتقدملها ضمان لمدة 5 سنين مع تركيب مجاني، الغسالة موفرة للكهرباء وكمان مش بتسحب مياه كتير فبالتالي هي موفرة من الناحية الاقتصادية، متصنعة من مادة بلاستيكية متوسطة القوة فدا ممكن يعرضها للكسر لو اتنقلت بطريقة غلط، أو يأثر على الموتور والسيور بتوعها. الغسالة الشطورة وزنها خفيف وبالتالي وجودها في أي مكان مش هيعمل مشكلة، لازم تخلي بالك عشان مفيش فيها نظام حماية للأطفال فـ مهم إنهم ميلعبوش فيها أو يبقوا موجودين جنبها وهي شغالة لضمان سلامتهم. التايمر بتاعها هيسهلك نقطة إنك ممكن تشغليها وفي نفس الوقت تعملي حاجة تانية يعني بيكسبك وقت في شغل البيت، صوتها مزعج لحد ما عشان كدا من ألأفضل تبقى في مكان وسط الشقة بعيد عن غرف الراحة والنوم كمان عشان متسببش أي إزعاج للضيوف. فلتر الوبر الموجود فيها هينقي الغسيل من أي وبر زيادة، فيها حاجة مميزة إن ممكن تزودي فيها غسيل وهي شغالة أصلا ودا ممكن يساعدك أكتر مع وجود أطفال صغيرين أو لو نسيتي هدوم تحطيها من أول مرة.