مميزات وعيوب Fresh بوتاجاز فريش تانجو - 5 شعله استانليس

• 

  Fatma

  (6 سنة, 3 أشهر ago)

  بوتاجاز فريش تانجو انا جربت البوتاجاز دا عند اختي عجبني فيه ان حسّيت انه متين وفيه بعض المميزات لكن زي كل جهاز طبعا لازم هيكون فيه عيوب البوتاجاز خمس شعلات وهو مقاس 6090 ،ارتفاعه حوالي ٨٥ سمودي ميزة انه ممكن نطبخ عليه خمس أصناف لكن احنا لازم نتأكد الاول من مقاسات المطبخ ونعمل حساب المساحة اللي هنحط فيه البوتاجاز من المميزات اللي عجبتني في البوتاجاز ده انه مصنوع من استانلس ستيل غير قابل للصدا ودي ميزة حلوة جدا بتساعد علي تنضيف البوتاجاز بسهولة،وكمان حاجة حلوة لاحظتها فيه انه بيفصل الغاز لوحده عشان لو مثلا سوائل بتغلي ووقعت علي عين البوتاجاز وطفتها واحنا مش واخدين بالنا البوتاجاز مايسربش غاز لكن بيفصل لوحده، ومن الحاجات اللي بحب أتأكد منها في البوتاجاز ان تكون مروحة الفرن كويسة وفعلا في البوتاجاز ده المروحة حلوة جدا وفعالة،لكن بقي اهم اوبشن لازم جدا ندور عليه في البوتاجاز ان باب الفرن يكون بيتقفل لما بنشغل الشواية وفعلا الاوبشن ده موجود في البوتاجاز ده ،وكمان عجبني فيه ان موجود في الفرن شواية دوارة حلوة اوي لو بنشوئ فرخة كاملة او ديك رومي ،رغم مميزاته الكويسة قابلني فيه شوية عيوب زي مثلا مفاتيح البوتاجاز والمقبض بتاع باب الفرن بيسخنوا جدا لما نشغل الفرن رغم ان المفروض انهم يتصنعون من مادة عازلة للحرارة ،وكمان في ناس من اللي جربوه قالوا ان حامل الأواني بيتحرك من مكانه مش ثابت اوي علي سطح البوتاجاز ودا بيمثل خطورة شوية،وبعدين هو فيه حاجة عيب وميزة مع بعض ان كفاءة جهاز الأمان ضد عبث الأطفال الاوبشن ده رخامته ان لو معرفتش أولع الفرن مثلا من اول مرة هيفتكرني طفل ولازم انتظر فترة لحد ما يشتغل تاني،،وكمان الوحش فيه ان ماينفعش اشغل الفرن والشواية مع بعض