مميزات وعيوب Fresh غسالة أطباق - حجم كبير - 12 فرد

• 

  أمنية عزمي

  (1 سنة, 7 أشهر ago)

  غسالة أطباق فريش من الأنواع الكويسة في فئتها السعرية، ليها مميزات كتير، سعة 12 فرد وبتنفعني جدا الحقيقة خاصة ان تنضيفها عالي وبينفع يتغسل فيها حلل زي التيفال والجرانيت والستانلس بس الاستانلس أصعبهم في التنضيف لأن الأكل ممكن يكون لازق فيها بعكس الجرانيت والتيفال، لكن فيها برنامج تجهيز قبل الغسيل بيسهل النضافة، يعني مش بتحتاجي تنضفي الأطباق بالمية أو تمسحيها، لكن بتحتاج تنضيف للفلتر أول بأول علشان تحافظ على مستوى النضافة فيها، فيها 6 برامج وبتشتغل أتوماتيك بالكامل، وليها درجات حرارة مختلفة علشان مستويات التنضيف حسب حجم الاتساخ، بتوفر في الكهربا خاصة لو استغنيت عن التعقيم وبتوفر في المية، البرامج العادية بتاخد وقت طويل شوية لكن فيها برنامج سريع، حجمها كمان مناسب لأنها مش عريضة زي بعض الأنواع، وتعتبر مناسبة كسعر ومواصفات.