مميزات وعيوب ثلاجة ميني بار سعة 92 لتر من فريش – اوف وايت، FDM-B130

• 

  Farida Ahmed

  (3 سنة, 9 أشهر ago)

  التلاجة فريش ميني بار دي جتلي هدية وفرحت بيها وحطيتها في غرفة النوم ولقيت الفريزر بتاعها بيعمل تلج من أول يوم ودي كانت مأساة الحقيقة لأن تنضيفها صعب خاصة إنها في غرفة نوم وسجاد وصعب تسيح مية وكمان حجم الفريزر بيصغر جدا لما يعمل تلج هي عموما سعتها 92 لتر ومفيهاش درج للخضار فيها أرفف زجاج وهي مميزة عن الأرفف الشبك أو السلك إنها شكلها شيك وبتمنع انسكاب أي سوائل وأسهل في تنضيفها من السلك لكن مش بتستحمل أوزان تقيلة زي الأرفف السلك وبتبقى معرضة للكسر، التلاجة فيها إضاءة داخلية تساعدك تشوف بسلاسة وليها قفل بمفتاح علشان لو حبيت تقفلها ومحدش يستخدمها غيرك وحجمها حلو مش بتاخد مساحة كبيرة وتقدر تحطها في أي مكان وعملية في المكاتب والشركات أو غرف سكن الطلبة لكن رغم صغر حجمها إلا إنها بتستهلك كهربا كتير ولو مليتها حاجات كتير كفائتها بتقل في التبريد