مميزات وعيوب خلاط الشبح من فريش – لون ابيض عدد 1 مطحنة، 1.5 لتر، 360 واط، 360.0 واط

• 

  Soha Ahmad

  (3 سنة, 6 أشهر ago)

  جبت خلاط فريش الشبح من فترة رغم إني كنت قلقانة من ان قوة الموتور تكون ضعيفة، لكن لتجاربي مع فريش ومنتجاتهم أخدته بثقة، وطلع هايل فعلا في كل حاجة، قبل كدا كان عندي خلاط قوته أعلى لكن مكانش بيعصر الطماطم كويس لكن دا هايل، عجبني كمان شكله القديم بتاع زمان دا، وفيه 4 سرعات وسرعة متقطعة ودوران عكسي، سعة الشفشق معقولة جدا والسلاح فيه حاد جدا وستانلس ضد الصدأ والمطحنة سلاحها مشرشر مش عادي زي الخلاطات وطحنه للتوابل هايل وساعات بعمل فيه صوص كمان للسلطة، بس عسبه انه معاه مطحنة واحدة مش اتنين زي أي نوع لأني كنت بحب أخصص كل واحدة لحاجة، بعمل فيه ساعات عصاير سموزي بالتلج وبيستحمل ودا كان الفيصل لقوته، خاماته بلاستيك قوية وتجربة ناحجة من فريش.