كبة فريش تعتبر من الأنواع الجيدة جدا في السوق، استخدمت أكتر من نوع وكان في منهم الضعيف جدا اللي أكتر حاجة ممكن يعملها هي تقطيع البصل، لكن فريش رغم إن قوة موتورها 400 وات لكن كويسة جدا في تقطيع وفرم الخضروات بأنواعها بكفاءة عالية، بيعجبني تقطيعها للجزر زي المبشور وساعات بعمل فيها تبولة وبحط الخضار كله على بعضه وأفرمه وبتبقى سهلة جدا ومش بتاخد وقت، من مميزاتها اللي بتساعدني ان الدورق فيها حجمه كبير غير باقي الأنواع وبياخد كميات كبيرة، جربتها ك1ا مرة في فرم اللحوم بس بتكون مستوية زي الفراخ لما بعمل كفتة، لكن اللحوم الحمرا بحسها ضعيفة على الفرم خاصة انها مفروض ما تشتغلش أكتر من 20 ثانية 3 مرات وبعد كدا ترتاح ربع ساعة وطبعا دا مش عملي وبتاخد وقت طويل علشان تفرم اللحمة بكميتها كلها زي ما انت عايز، لكن عامة هي من أحسن الأنواع في الفئة السعرية دي.