مميزات وعيوب بوتاجاز غاز 4 شعلة ديجيتال بنظام امان كامل بروفيشنال ستايل من فريش 500006211، 60 × 65 سم

• 

  Soha Ahmad

  (2 سنة ago)

  بوتاجاز بروفيشنال ديجيتال من الأنواع الحلوة المناسبة للمساحات الصغيرة اللي فيها مواصفات عالية وبيوفر كل الاحتياجات لكن برضه فيه عيوب بسيطة، الجسم الخارجي ستانلس ستيل تنضيفه سهل، فيه 4 عيون أحجام مختلفة غاز وناره كويسة، والحوامل فيه حديد زهر مميزة بثبات الحلل والأواني عليها لكن بتكون تقيلة وسهلة الكسر لو وقعت ومحتاجة تتنضف أول بأول، الفرن حجمه معقول وفيه شواية داخلية وإضاءة ومروحة تأثيرها هايل في التسوية سواء المخبوزات أو الطوجن، في درج سفلي بيحافظ عالأكل بحرارته، فيه شاشة ديجيتال وفيه أمان كامل بيفصل الغاز لو النار اتطفت لأي سبب، فيه شاشة ديجيتال وزراير لإعدادات التحكم، وفيه تايمر، فيه إضاءة داخلية لكن لما بتشغلها بتشغل الشواية معاها، خامات تصنيع الفرن الداخلية مش أحسن، والمروحة الداخلية صعبة في التنضيف، يد الفرن ستانلس بتسخن مع الحرارة، سعره عالي شوية وقطع غياره غالية.