مميزات وعيوب ماكينة تحضير القهوة والاسبريسو من ديلونجي EC221R، 1.4 لتر، احمر

• 

  Samy Wafeeq

  (2 سنة, 8 أشهر ago)

  ماكينة القهوة ديلونجي ليها مميزات كتير أكتر من عيوبها، عملية جدا وسهلة في الاستخدام، من مميزاتها إنك تقدر تعمل فيها كل الأنواع اللي داخل فيها القهوة سواء سادة أو أمريكان وبتقدر تختار البن بتاعك المطحون حسب مزاجك وممكن تستخدم الكبسولات، فيها خاصية إضافة الحليب للقهوة للناس اللي بتحبها بالحليب وبتوزعه وتمزجه بكفاءة وكثافة عالية وبتعمل رغوة تحفة للحليب وبعمل بها لاتيه وكابوتشينو وموكا وأميركيان كوفي وموكاتشينو لو حسبتها هتلاقيها بتوفر اللي بتدفعه في الكافيهات وتبقى معاك أي وقت خاصة إن حجمها صغير وسعرها حلو جدا بالنسبة لإمكانياتها وإنها إسم كبير زي ديلونجي، قوتها 1100 وات وبالتالي بتكون سريعة وبتوفر في الكهربا لأنها بتفصل أتوماتيك لو ما استخدمتهاش في مدة معينة، عيبها إن مفيهاش تنضيف ذاتي لكن سهلة الفك والتنضيف، وفي ناس بتعيب إن خاماتها بلاستيك، وتخلي بالك وانت بتخرج فلتر القهوة من عصا التبخير لو سخنة.