مميزات وعيوب تلفزيون كونتكس 40 بوصة LED بدقة FHD- موديل 40P28

• 

  Samy Wafeeq

  (3 سنة, 1 أشهر ago)

  شاشات كونتكس أسعار كويسة لكن نوعها مش مضمون، الشاشة ال 40 دقة الصورة فل اتش دي 1080 بكسل لكن الدقة في الصورة والألوان مش حلوة، الشاشة ليد لكن الأنواع الغير معروفة بيكون فيها مشكلة إن الليد بيبوظ فيها بسرعة وبتلاقي بقع بيضا تظهر عالشاشة بعد شوية نتيجة حرق عدد من الليد في الشاشة، مفيهاش تقنية IPS اللي بتحسن دقة ألوانها وزوايا الرؤيا فيها، فيها منفذين HDMI بتوصله من خلالهم بالكمبيوتر أو اللاب توب أو بروجكتور، ومنفذين يو إس بي بتوصله بفلاشة أو هارد درايف وتشوف إختياراتك من اللي بتحبه سواء أفلام أو صور على شاشة كاملة الوضوح، لكن مفيش منفذ VGA، عليه ضمان 3 سنين من i2 أو راية لكن فيه شكوى ان قطع الغيار مش موجودة ومش لاقيين خدمة ما بعد البيع. التلفزيون عادي مش سمارت، والقاعدة فيه ضعيفة ويفضل يتعلق عالحائط.