اشتريت غسالة كاندي ال 7 كيلو وبعد فترة استخدام أقدر أقول انها هايلة في تنضيفها وبرامجها، كنت قلقانة إن ميكونش ليها قطع غيار لأنها إيطالي لكن لما سألت لقيتها متوفرة، الغسالة موفرة جدا في الكهربا والمية لأنها فئة A، وفتحة الباب فيها كبيرة والباب بيتفتح للآخر بزاوية 180 وبقدر أدخل المفروشات أو البطانية بسهولة، فيها كل البرامج اللي ممكن تحتاجها وفيها كذا برنامج سريع على 14و 30 و60 دقيقة والبرامج دي اقتصادية جدا وبغسل فيها كل أنواع الأقمشة وتنضيفها هايل حتى في أقل برنامج، شاشتها كبيرة وواضحة، وبتقدر تتحكم في درجات الحرارة وفي سرعة الدوران للعصر، الحلة ستانلس ستيل بالكامل، هادية وملهاش صوت، لكن بتحتاج تلتزم بالوزن المطلوب في الغسيل علشان ما يحصلش فيها أعطال لأنها حساسة جدا، عيبها إنها مش مجهزة للتيار المتردد وبتبقى حساسة جدا لو الكهربا مش مظبوطة، وتاني حاجة إن الدهان الخارجي جودته ضعيفة وكانت قشرت من تحت وسنفرتها ورشيتها وبقت كويسة، لكن كغسالة حلوة جدا.