مميزات وعيوب Caira CA-MW2320M ميكروويف - 20 لتر - أبيض

• 

  Mona El Bagoury

  (6 سنة, 4 أشهر ago)

  ميكروويف كايرا أدائه سلس جدا وفيه خصائص مميزة جدا هتضمنلك عملية طبخ أسهل واختصار أكبر الوقت، زي مثلا أنه هيديكي فرصة أنك تفكي تجميد أي حاجة محتاجة إنك تفكي تجميدها بسرعة وبسهولة زي مثلا كيس لحمة نسيتي تخرجيه من الفريزر قبلها بليلة، وبالتالي مشكلتك هتتحل بسرعة وهتقدري تطبخي الأكل في ميعاده وبدون مشاكل. كمان مش هتحتاجي إنك تتابعي الأكل وهو بيستوي جوا الميكرووف بشكل دايم ده لأنه فيه مؤشر الانتهاء أو بمعنى أصح تايمر بيعرفك فاضل قد أيه على نهاية عملية الطبخ وبيفصل بمجرد ما يخلص المدة المحددة يعني مش هتضطري إنك تفتحي الميكروويف وتقفليه كل شوية، بس رغم كدا هتلاقي أنه مفيهوش لوحة تحكم رقمية أو شاشة LED عشان توضحلك أي تفاصيل أكتر عن درجة الحرارة المستخدمة أو غيرها، وكمان سعته بتعتبر صغيرة 20 لتر بس يعني مينفعش مع العائلات اللي عدد أفرادها كبير، قدرته الكهربائية منخفضة 700 وات. الميكروويف مزود بردو بقفل أمان للأطفال وباب بيتفتح عن طريق الضغط عشان تضمني سهولة الاستخدام من غير أي قلق من أن طفلك يفتحه أو يلعب فيه أو يتعرض للخطر بسببه، وكمان هتلاقي أنه مقاوم للصدأ والصدمات ده لأن الهيكل الخارجي بتاعه مصنوع من الأستانلس ستيل.. أما لو واجهت أي مشكلة أو عطل مع الميكروويف تقدر تلجأ لمراكز خدمة عملاء شركة كايرا المنتشرة أو عن طريق أرقامهم.