هتلبس إيه في الكريسماس ؟
كتب أماني سمير
بتفكر هتلبس إيه فى الكريسماس؟ احنا جمعنا لكم أكتر من قطعة لكل أفراد الأسرة .. راجل وست، ولد وبنت، و حتى البيبي الصغير .. عشان الكل السنة دي يحتفل بالكريسماس من غير مايحمل هم هيلبس إيه، ويقول لنفسه : لسه هنزل اشتري في الجو البرد ده، ومش عارف أصلا هشتري ايه.. ماتشلش هم احنا جبنالك اللبس لحد عندك تنقي منه اللي يعجبك وتشتريه كمان أون لاين وانت قاعد في بيتكوا .. ويارب ذوقنا يعجبكوا
للبنات الصغيرة
1. فستان بناتي أسود
أي بنوته بتحب تشوف نفسها خلاص كبرت وبقت زي مامتها، عشان كده اخترنا لها فستان أسود رقيق بتتميز قماشته بنقوشها البارزة الناعمة، وبشريط ستان أسود في الوسط، وتقدري تلبسي معاه شال أحمر عشان الكريسماس أو أي اكسسوار من اختيارك. وكمان بيجي معه سلسلة ملونة حلوة جداً.
السعر 205 جنيه مصري
2. حذاء بناتي أحمر
ولإن أي بنوته بتحب تكون مميزة ومختلفة، جبنا لك حذاء أحمر بسيط ورقيق وهيكون شكله حلو أوي مع الفستان الأسود ولونه أساسي في الكريسماس، وسعره مفاجأة لإنك تقدري تخلي بنتك تشتريه من مصروفها اللي حوشته .
السعر 15 جنيه مصري
للـبـيـبي
3. طقم أحمر للبيبي
واحنا بنفكر في لبس الكريسماس منقدرش ننسى البيبي، هو كمان من حقه يحتفل معانا بالكريسماس، عشان كده اخترنا له طقم مريح قطن 100 %، وفيه كل ألوان الكريسماس وخصوصا اللون الأحمر.
السعر 353 جنيه مصري
للأولاد
4. بدلة ولادي رمادي
الولد كمان بيحب يشوف نفسه كبر وبقه راجل ويقدر يلبس بدله زي باباه ، عشان كده اخترنالة بدلة يقدر يحضر بيها حفلة الكريسماس مع الأسرة أو في المدرسة، ويقدر كمان يلبس معاها ببيون أو كرافته لونها أحمر وقميص أبيض وحذاء أسود، وبكده يظهر شيك وانيق .
السعر 328 جنيه مصري
للسيدات
5. شال أحمر
طبعا اللون الأحمر أساسي في الكريسماس، عشان كده جبنا لك شال أحمر ناعم ورقيق في شكله وملمسه، وبسيط عشان يليق مع الفستان الأخضر بنقوشاته البارزة، فيكمل الطلة المميزة ليكي، وكمان سعره في متناول ايديكي .
السعر 59 جنيه مصري
6. حذاء أسود برقبة طويلة
أهم حاجه بتميز البوت ده غير لونه الأسود اللي لازم يكون موجود بشكل أساسي في الكريسماس هو رقبته الطويلة اللي بتوصل لحد الركبة، والمصنوعة بشكل انسيابي رقيق يعطيكي أنوثة وجاذبية يخليكي تحسي وانتي لابساه إنك برنسيسة. واكيد وجود بوت اسود في دولابك شئ أساسي فى الشتا عشان هيمشي مع جميع ألوان ملابسك.
السعر 443 جنيه مصري
7. فستان أخضر غامق من الصوف
احلى حاجه في الفستان ده لونه اللي لايق أوي مع ألوان الكريسماس، ونقوشاته البارزة بشكل أنيق من خامة الصوف الناعمه اللي بتدي إحساس بالدفء والجمال، وميزة الفستان ده إنه يناسب كل النساء حتى المحجبات، وأهم من ده كله سعره المغري.
السعر 139 جنيه مصري
لشراء الفستان الأخضر الغامق من هنا
8. حقيبة يد سوداء
وعشان أساسي بالنسبة لك الشنطة كجزء من طلتك النهائية، جبنا لك شنطة يد من نفس لون الحذاء وتتماشى مع رقته وأناقته، وكمان فيها حلية على شكل باليرينا بألوان الكريسماس الزاهية، عشان تأكدي بيها لنفسك ولكل اللي يشوفك إنك فعلا أنيقة.
السعر 159 جنيه مصري
لشراء حقيبة اليد السوداء من هنا
للرجال
9. قميص كاروهات بكم طويل
القميص الكاروهات لاغنى عنه في دولاب أي راجل، عشان كده اخترنا لك قميص كاروهات بألوان الكريسماس وخصوصي اللون الأحمر، وأهم مايميز القميص إنه يمشي مع أي بنطلون كاجوال أو كلاسيك، ويتلبس كمان مع جاكت أو بلوفر، يعني استخداماته كتير، يعني متفكرش كتير.
السعر 280 جنيه مصري
10. حذاء أسود برقبة
الحذاء ده مناسب جدا مش بس في لونه الأسود وكمان شكله الأنيق العصري، بس كمان عشان وأهم ما يميزه إنك تقدر تلبسه مع حاجات كتير كاجوال وكلاسيك لإنه مصنوع من الجلد بشكل بسيط وجذاب، يعني من الآخر ينطبق عليه مقولة (السهل الممتنع).
السعر 295 جنيه مصري
11. كوفية سوده
وعشان تكمل طلتك كرجل عصري جبنا لك كوفية سوده تقدر تلبسها مع أي حاجه سواء كانت كاجوال أو كلاسيك، وسعرها بسيط هيخليك تشتريها فوراً.
السعر 39 جنيه مصرى
متنسوش، تقدروا تدوروا على أي حاجة محتاجينها من خلال www.yaoota.com
لو محتار في زينة الكريسماس ممكن تقرا المقالة دي
يا قوطة تتمنى لكم قضاء كريسماس سعيد ☺