دليلك لشراء مروحة الصيف من ياقوطة

041

كتب: أحمد شحاتة 

إنت متخيل إن مصر ما بقاش فيها شتاء تقريبًا؟!

الدنيا بقت بتمطر في مصر يومين بس طول الشتاء، فما بالك بقى بالصيف هيبقى شكله إيه؟ لأ وكمان مع ارتفاع الدولار التكييفات أسعارها بقت غالية جدًا وبتستهلك كهرباء كتير. عشان كده ما بقاش في بيت أو مكان شغل خالي من المروحة أيًا كان نوعها، لازم هيكون ليها دور كبير في الصيف.

ولأننا دايمًا بيهمنا راحتك وسعادتك، ياقوطة هتساعدك إزاي تختار المروحة المناسبة لاستخدامك، ومميزات كل نوع وسلبياته، بالإضافة إلى إننا بنقولك على آخر الأسعار وخبرة الاستخدام من ناس اشتروها قبلك. كل ده هتعرفه وانت قاعد في مكانك، علشان لما تحب تشتري مروحة تختار وانت مطّمن أحسن نوع يناسبك ويكون على قد ميزانيتك وبجودة عالية تضمنلك استخدام طويل.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

فيه أنواع كتير من المراوح أهمها مراوح السقف – مراوح السقف المتدارية –  مراوح الحائط – مراوح ستاند. ويوجد ماركات متنوعة من كل نوع زي  توشيبا فريش  تورنيدو. شوف مجموعة مختلفة من المراوح من هنا.

إزاي تختار المروحة المناسبة منهم؟

مساحة المكان

  • مروحة السقف بتبقى مناسبة للبيت أو الشغل لو المكان أقل من ٢٠ متر مربع علشان تقدر تستفيد بتهوية كويسة. لو المساحه أكبر هتحتاج تركب مروحتين حائط أو مروحة ستاند.
  • لو عاوز مروحة ما تبقاش ثابتة وتقدر تحركها من مكان لمكان سواء في البيت أو الشغل يبقى فكّر في مراوح ستاند.
  • لو المكان اللي هتستخدم فيه المروحة مش كبير وفيه حركة كتير وأطفال نخاف عليهم من إنهم يلعبوا في المروحة أو أسلاكها وهي شغالة، يبقى فكّر في مراوح السقف أو الحائط.

نوع المكان و الديكور

مفيش حد ما بيهتمش بشكل وديكور المكان اللي موجود فيه سواء واسع أو ضيق. علشان كده اختار المروحة اللي تناسب شكل المكان اللي هتستخدمها فيه.

  • لو البيت فيه نجف في السقف يبقى الأفضل إنك تختار بين مراوح الحائط أو المراوح الستاند.
  • لو مركب أباليك أو عامل ديكورات على الحائط، يبقى مروحة السقف أو الستاند أفضل ليك.
  • لو هتسخدمها في مكان العمل، تقدر تختار بين أنواع المراوح الأربعة على حسب مساحة المكان.

التكلفة حسب الماركة

يوجد ماركات متنوعة من المراوح زي  توشيبا فريش  تورنيدو، والسعر بيختلف حسب الماركة.

طول وعدد الريش

طول وعدد الريش من أهم عوامل تدفق التهوية. جميع مراوح السقف – حائط – ستاند متوفرة بثلاث وأربع ريش. نوع ريشة مراوح السقف معدن وخشبية، معظم ريش مراوح السقف المتدارية، مراوح الحائط والمراوح الستاند بتبقى بلاستيك. الريش المعدن بتكون أقوى في التهوية، لكن أحيانًا نوع المعدن المصنوع منه الريش بيكون حمل على الموتور.

  • مراوح السقف متوفرة بريش حجمها:‏ ١٦ بوصة، ٣٢ بوصة، ٤٨ بوصة و٥٦ بوصة.
  • مراوح السقف المتدارية متوفرة بريش حجمها ١٦ بوصة و١٨ بوصة.
  • مراوح الحائط متوفرة بريش حجمها ١٦ بوصة و١٨ بوصة.
  • مراوح الحائط متوفرة بريش حجمها ١٦ بوصة و١٨ بوصة.

السرعات

جميع المراوح مزودة بسرعات مختلفة وكلما زادت السرعة كلما وفرت تهوية أقوى. كمان بقت كل ماركات المراوح فيها أنواع مزودة بريموت كنترول علشان تتحكم فيها من أي مكان، خصوصًا وانت نايم. فترة التشغيل المتواصلة عامل مهم برضه علشان لو بنحتاج نسيب المروحة شغالة لفترات طويلة بدون ما نفصلها.

  • تتوفر مراوح السقف بـ ٥ سرعات.
  • تتوفر مراوح السقف المتدارية بـ ٣ سرعات.
  • تتوفر مراوح الحائط بـ ٣ سرعات.
  • تتوفر المراوح الستاند بـ ٣ سرعات.

استهلاك الكهرباء

مع الارتفاع الكبير في سعر الكهرباء، بقينا بندور على أجهزة كهربائية بتستهلك كهرباء قليلة. علشان كده اعرف القدرة المستهلكة لكل نوع من أنواع المراوح علشان تقدر تحافظ على فاتورة الكهرباء.

  • أقصي قدرة استهلاكية لمراوح السقف: ٨٠ وات، الفولت: ٢٢٠ فولت، التردد: ٥٠ هرتز.
  • أقصي قدرة استهلاكية لمراوح السقف المدارية: ٦٥ وات، الفولت: ٢٢٠ فولت، التردد: (٦٠/٥٠) هرتز.
  • أقصي قدرة استهلاكية لمراوح الحائط:  ٦٥ وات، الفولت: ٢٢٠ فولت، التردد:  (٦٠/٥٠) هرتز.
  • أقصي قدرة استهلاكية للمراوح الستاند: ٦٥ وات، الفولت: ٢٢٠ فولت، التردد:  (٦٠/٥٠) هرتز.

الشكل و قوة الأداء

الشكل والأداء حاجات مهمة قوي في اختيار أي جهاز كهربائي، وخاصة المروحة اللي بمجرد ما بنركبها بتبقى جزء من ديكور البيت، علشان كده اختار لون المروحة اللي يمشي مع ألوان المكان اللي هتستخدمها فيه. لازم برضه تبقى قوية الأداء وبموتور شديد ما يحتاجش تزييت أو تشحيم.

الضمان

ولأن الأجهزة المنزلية هي في الأصل وسائل راحة وتسهيل لحياتنا، فترة ضمان المنتج بعد البيع بقت مهمة زي جودة الأجهزة ومدى كفاءتها، علشان لو حصل فيها أي عطل ما ندورش على حد يعملّها صيانة ونتكلف تاني. وكل ما كانت فترة ضمان المنتج أطول بيكون أفضل. دلوقتي بقى فيه ماركات بتوفر فترة ضمان تصل لخمس سنوات.

بعد ما عرفنا العوامل الأساسية اللي على أساسها بنختار المروحة، تعالى نعرف مميزات كل نوع علشان نختار الأنسب. ولأننا دايما صادقين معاك هنقولك برضه إيه أبرز سلبيات استخدام كل نوع.

أولاً: مراوح السقف

ceiling fan

المميزات

  • ما بتاخدش مساحة في المكان اللي بتتحط فيه لانها بتتركب في السقف، كمان بتختار طول الريش اللي يناسب مساحة المكان عندك.
  • بتوفر تهوية كويسة لكل المكان بس بشرط يكون أقل من ٢٠ متر مربع.
  • مراوح السقف بقى فيه أنواع منها مزودة بريموت كنترول تقدر تتحكم فيها من أي مكان خصوصًا وانت نايم.

العيوب

  • ما بتقدرش تركّب نجف في السقف لأن المروحة بتتركب مكان النجف، وصعبة في تنظيفها خاصةً لكبار السن.
  • مش هتوفر تهوية كويسة لو مساحة المكان اللي هتركبها فيه كبيرة (أكبر من ٢٠ متر مثلاً).
  • بتحتاج لكهربائي يركبها، وممكن مع كتر الاستخدام يصدر منها صوت ناتج عن احتكاح مسامير المروحة بالجنش. وسقف بعض الأماكن لا يوجد فيه جنش.

ثانيًا:  مراوح السقف المتدارية ومراوح الحائط

مراوح الحائط

المميزات

  • مراوح السقف المتدارية والحائط حل عملي لو انت مش بتفضّل مراوح السقف العادية ومحتاج حاجة ما تاخدش مساحة وتوفر تهوية لكل المكان.
  • يوجد أنواع منها متوفرة بريموت كنترول، وسهلة التنضيف وآمنة للتشغيل في أماكن بها أطفال.
  • يمكن تثبيتها في اتجاه معين، سهلة التجميع والتركيب والتشغيل لإن كتير مننا ما عندوش خبرة كبيرة في تركيب الأجهزة الكهربية.
  • تقدر تستخدم مروحتين حائط في غرفة واحدة لو المساحة كبيرة أو لو عايز تزود التهوية.
  • تقدر تركبها في جوانب الحوائط أو السقف لتغطية أكبر مساحة.

 العيوب

  • لا تعطي مراوح السقف المتدارية ومراوح الحائط تهوية جيدة لو هتستخدم واحدة فقط في ريسبشن أو مكان كبير.
  • بعض أنواع مراوح الحائط متوفرة بثقب واحد في الماسورة اللي بتثبتها على الحائط وده ممكن يعمل مشكلة في التثبيت. أسهلك تختار موديل ذو قاعدة تثبيت تقليدية مربعة الشكل تثبت على الحائط بسهولة.  
  • مراوح الحائط التي تعمل بواسطة سلك شداد غير عملية مع كثرة الاستعمال لإن سلك الشداد معرض للإنقطاع.
  • عند التشغيل بأقصي سرعة يصدر صوت من الريش مع الهواء.

شوف مراوح السقف المتدارية من هنا.

ثالثًا: المراوح الستاند

مراوح ستاند

المميزات

  • تجمع مراوح ستاند بعض مميزات مراوح الحائط ومراوح السقف حيث أنها سهلة التجميع والتركيب والتنضيف، يمكن تثبيتها في اتجاه معين، وتعمل بأكثر من سرعة مما يساعد في توفير تهوية جيدة للمكان الذي توجد فيه.
  • يمكن نقلها من مكان لمكان ومن غرفة لغرفة بسهولة جدًا لإنك مش هتكون محتاج غير بريزة الكهرباء وبس.
  • ستاند المروحة عملى جدًا بيوفر عليك عناء تثبيتها في الحائط أو الحاجة إلى كهربائي يركبها.
  • فيه أنواع منها متوفرة بريموت كنترول وتايمر وده بيسهل التحكم فيها دون الحاجة للحركة كل فترة لتشغيلها أو ضبط سرعتها، وفيه موديلات وأنواع منها بثلاثة وأربع ريش.
  • يمكن أن تستخدم في الصالون أو غرف النوم أو المكتب.

العيوب

  • تشغل مساحة من المكان الموجودة فيه، وخاصة تخرينها في الشتاء. هتحتاج دايمًا تخلي بالك من طفلك علشان ما يتخبطش بالمروحة أو يوقعها.
  • ما بتديش تهوية جيدة لو هتستخدمها في مكان كبير.  
  • بعض أنواع المراوح الستاند بتهتز ويصدر منها صوت في حال تشغيلها بأقصى سرعة.
  • حلقة التقفيل (حزام قفل الشبكة) يسبب عناء لبعض الناس.

شوف مراوح ستاند من هنا.

أكثر المراوح شعبية على ياقوطة

مروحة سقف رافال من فريش – ٥٦ بوصة

          

  • الحجم‏:‏ ٥٦  بوصة.
  •  عدد الريش: ٣ ريشة معدنية.
  • الجهد الكهربائي‏: ٢٢٠ فولت‏.
  • مفتاح ٥ سرعات.
  • الضمان: ٥ سنوات.    

المميزات

  • السعر مناسب.
  • قوية التهوية.
  • مناسبة جدًا في الصالون وغرف النوم وأماكن العمل.

العيوب

  • أقل سرعة للمروحة تعتبر عالية أيضًا.
  • عدم وجود ريموت كنترول.
  • يصدر منها صوت الريش مع الهواء في حال تشغيلها بأقصى سرعة.

شوف مروحة سقف رافال من فريش – ٥٦ بوصة من هنا.

مروحة سقف الباشا – ٥٢ بوصة اتجاهين مع إضاءة

  • عدد الريش: ٤ ريشة خشبية.
  • الحجم‏:‏ ٥٢ بوصة.                                                                                   
  • وحدة تحكم مزودة بأكثر من سرعة.                             
  • الجهد الكهربائي‏:‏ ٢٢٠ فولت.
  • الضمان: سنتين.

المميزات

  • أنيقة الشكل وتمثل قطعة ديكور.
  • مزودة بلمبات.
  • اختيار رائع في الصالونات والمكاتب.

العيوب

  • سعرها عالي بالنسبة لأنواع مراوح السقف الأخرى.
  • صعبة التنضيف.
  • الشدّاد معرض للانقطاع مع كثرة الاستخدام.
  • غير متوفرة بريموت كنترول.

شوف مروحة سقف Carnival – ٥٢ بوصة اتجاهين مع إضاءة من هنا.

مروحة متدارية توشيبا كاريوكا – ١٦ بوصة ٤ ريشة بلاستيك ٣ سرعات ECT-49Y

  • عدد الريش:  ٤ ريشة بلاستيك.                                                                                                   
  •  الحجم‏:‏ ١٦ بوصة.                                                                                   
  •  وحدة تحكم بـ ٣ سرعات.                             
  •  الجهد الكهربائي‏:‏ ٢٢٠ فولت.
  • الضمان: ٥ سنوات.

المميزات

  • يرى الكثير من المستخدمين أن هذه المروحة جيدة جدًا وسعرها ممتاز وخامات عالية الجودة.

العيوب

  • لا تعطي تهوية في مكان كبير.
  • صعبة التنضيف.

شوف مروحة مدارية توشيبا كاريوكا – ١٦ بوصة ٤ ريشة بلاستيك ٣ سرعات من هنا.

مروحة حائط Fresh – ١٦ بوصة بالريموت (لون رمادي)

  • الحجم‏:‏ ١٦ بوصة.
  •  عدد الريش: ٣ ريشة بلاستيك. 
  •  ريموت كنترول.
  •  الجهد الكهربائي‏:‏ ٢٢٠ – ٢٤٠ فولت.
  •  ٣ سرعات‏.‏
  •  التردد ٥٠ ‎-٦٠ هرتز.
  •  الضمان: سنتين.

المميزات

  • جيدة جدًا من حيث الشكل والتصميم والخامات.
  • متوفرة بريموت كنترول.
  • سعرها مناسب.
  • سهلة التثبيت بفضل قاعدتها المربعة.
  • سهلة التركيب والتجميع والتنضيف.
  • مناسبة جدًا في الغرف والصالون والمكاتب وأماكن العمل.

العيوب

  • لا تعطي تهوية في مكان كبير.
  • يصدر منها صوت الريش مع الهواء في حال تشغيلها بأقصي سرعة.

شوف مروحة حائط Fresh – ١٦ بوصة بالريموت من هنا.

 مروحة ستاند Touch Elzenouki – ١٦ بوصة

  • الحجم‏:‏ ١٦ بوصة.
  • عدد الريش : ٥ ريشة بلاستيك.   
  •  ريموت كنترول.
  • الجهد الكهربائي‏:‏ ٢٢٠ – ٢٤٠ فولت.
  •  ٣ سرعات‏.‏
  •  التردد ٥٠ ‎-٦٠ هرتز.
  •  شاشة عرض رقمية.
  •  الضمان: سنتين

المميزات

  • يرى الكثير من المستخدمين أن هذه المروحة جيدة جدًا.
  • تكنولوجيا متطورة.
  • متوفرة بريموت كنترول.
  • ذات قاعدة ثابتة تمنع الاهتزاز أثناء التشغيل بأقصى سرعة.
  • اختيار رائع للصالونات وغرف النوم والمكاتب.
  • سهلة التركيب والتشغيل.

العيوب

  • سعرها غالي بالنسبة لأنواع المراوح الستاند الأخرى.
  • هتحتاج دايمًا تخلّي بالك من طفلك علشان ما يتخبطش بالمروحة أو يوقعها.

شوف مروحة ستاند Touch Elzenouki – ١٦ بوصة 40107-ZNK من هنا.

مروحة ستاند من ميانتا – ١٦ بوصة ٣ سرعات SF35119A (لون أبيض)

  •  الحجم‏:‏ ١٦ بوصة.
  • عدد الريش : ٥ ريشة بلاستيك.   
  •  ريموت كنترول.
  •  الجهد الكهربائي‏:‏ ٢٢٠ – ٢٤٠ فولت.
  •  التردد: ٥٠ ‎-٦٠ هرتز.
  •  ٣ سرعات‏.
  •  شاشة عرض رقمية.
  •  الضمان: سنتين.

المميزات

  • يرى الكثير من المستخدمين أن هذه المروحة جيدة جدًا.
  • أنيقة الشكل.
  • تكنولوجيا متطورة.
  • سعرها مناسب.
  • متوفرة بريموت كنترول.
  • ذات قاعدة ثابتة تمنع الاهتزاز أثناء التشغيل.
  • اختيار رائع للصالونات وغرف النوم والمكاتب.
  • سهلة التركيب والتشغيل.

العيوب

  • لا تعطي تهوية في مكان كبير.
  • غير آمنة لمكان به أطفال.
  • بعض الناس تواجه صعوبة في التعامل مع شاشة العرض بالمروحة.

شوف مروحة ستاند من ميانتا – ١٦ بوصة ٣ سرعات من هنا.

وبكده تكون ياقوطة إديتكم خبرتها في شراء المروحة، ولو حطّيت في اعتبارك كل الكلام ده، هتوصل بسهولة للمروحة المناسبة لاحتياجك.

 *قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *