أفضل منتجات شركة HOHO المصرية على ياقوطة
كتب: خالد عاصم
السوق المصري الاستهلاكي والتكنولوجي سوق كبير ومهم ويعتبر دلوقتي واحد من أكتر الأسواق نموًا في أفريقيا والشرق الأوسط، وده بيؤدي لحاجتين مهمين، الأولانية هي تشجع بعض المستثمرين المصريين على إنشاء شركات جديدة للمنتجات الاستهلاكية، والتانية هي جذب شركات أجنبية للاستثمار في مصر في المجالات الإلكترونية والتكنولوجية والاستهلاكية، وبسبب إن أسعار الأجهزة الكهربائية والإلكترونية صاحبة الاسم الكبير زي سامسونج وإل جي وشارب وتوشيبا وغيرها بقت عالية جدًا، توسع سوق الأجهزة الأرخص واللي بتتقدمها الشركات المصرية والشركات الصينية.
من بين الشركات اللي ظهرت في الأسواق المصرية خلال الفترة اللي فاتت، شركة HOHO واللي بدأت تقتحم السوق المصري من خلال مجموعة من الأجهزة شائعة الاستهلاك زي التليفزيونات والمكانس والأفران الكهربائية وغلايات المياه، مع توقعات كبيرة بتوسع الشركة دي في الأسواق بتقديمها لمنتجات جديدة في أقسام جديدة.
ممكن ماتكونش فيه معلومات كتير متوفرة عن الشركة عند المستهلكين، وعشان نقدر نفهم شوية طبيعة الشركات المصرية اللي بتقدم منتجات تكنولوجية في مصر، فلازم الأول نعرف إنها بتنقسم لقسمين، القسم الأول اللي عنده مصانع فعلية موجودة في مصر وبتقوم بتجميع مكونات أجهزتها من شركات تانية خارجية ومن الأمثلة على كده مثلًا شركة يونيون إير اللي بتصنع تليفزيوناتها في مصر من خلال استيرادها للمكونات الداخلية من شركات تانية عالمية، أما النوع التاني فده اللي بيتبع حاجة اسمها ريبراند Rebrand ودي شركات بتتعامل مع مصنعين صينيين بيقوموا بتصنيع الأجهزة وبتحط عليها هي اللوجو بتاعها باتفاق رسمي، والنظام ده معروف كمان باسم التصنيع لدى الغير أو التصنيع لصالح الغير في حالة وصفه من وجهة نظر المصنعين الصينيين، والنظام ده منتشر حاليًا بقوة بين الشركات المصرية الجديدة وده بيفسر التشابه الشديد بين الأجهزة زي مثلًا في التليفزيونات اللي بتتشابه جدًا في عدد المنافذ وأماكنها وكمان في طبيعة وشكل نظام التشغيل.
بالنسبة لشركة HOHO فالشركة تأسست سنة ٢٠٠٩ وبدأت في اقتحام السوق بشكل قوي بعد ١٠ سنين من التطوير، وبتمتلك الشركة مصنع في مصر على مساحة ٣٥٠٠٠ متر بيشمل أكتر من ٥٠٠ موظف وعدد من خطوط الإنتاج المتميزة وبكده نفهم أن الشركة من الشركات اللي بتنتمي للفئة الأولى على حسب المعلومات اللي وفرتها الشركة نفسها واللي استعرضناها في الفقرة دي.
النهارده ومن خلال مقالنا ده هنتعرف على كل منتجات شركة HOHO المتخصصة في الأجهزة المنزلية والكهربائية واللي بدأت تقتحم السوق المصري وتحقق انتشار مقبول في الفترة اللي فاتت، كل المنتجات اللي هنتكلم عنها النهارده متوفرة عندنا وهتقدروا تطلبوها من خلالنا في ياقوطة وهتوصلكم بحد باب البيت أو مكان ما تحبوا بأسرع وقت ممكن.
إزاي تشتري الأجهزة الأساسية لبيتك بأقل من ١٠ آلاف جنيه
كتبت: يارا الحميلي
زي ما كلنا لاحظنا الكام سنة اللي فاتت، الأسعار بقت عالية، وناس كتير بتلاقي صعوبة في تدبير وشراء الأجهزة المنزلية الأساسية لإن أسعارهم بقت عالية. عشان كده ياقوطة هتقترح عليك إزاي تقدر تشتري أهم الأجهزة الكهربائية بأقل من 10 آلاف جنيه. هنتعرف على أهم مواصفاتهم ومميزاتهم وكمان عيوبهم علشان تقدر تكون فكرة كاملة عنه، ولوعجبك وحبيت تشتري أي جهاز منهم هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.
Recent Comments