مميزات وعيوب تليفزيون TORNADO ٣٢ بوصة HD الاسمارات بريسيفر داخلي
كتب: فريق الموقع
عارفين لما تخرجوا مع ماما أو واحدة (أروبة) وعارفه ازاي تختار المُنتج الأحسن والأرخص في نفس الوقت؟ شركة تورنيدو عملت حساب الناس اللي بتعرف تقتنص الفرص ومش بتحب تتنازل عن أي طرف من أطراف المعادلة. وقدمت لنا تليفزيون TORNADO ٣٢ بوصة HD Smart LED TV اللي هايكون اختيار مثالي للناس اللي ماعندهاش استعداد تضحي بأي حاجه من حيث المواصفات، وفي نفس الوقت عاوزه تاخد سعر ممتاز.
لكن مهم تكون عارف إن اللي هيشتري تليفزيون TORNADO ٣٢ بوصة HD الاسمارات بريسيفر داخلي مش هيضحي ببعض الحاجات. وده اللي هانتكلم أكتر عنه في ريفيو النهارده عنه. اللي لو وضعناها في كفة المقارنة مع شاشات زي سامسونج أو LG مثلا. أكيد الشاشات دي هاتكسب المقارنة.
لكن لو حطينا السعر ضمن عوامل المقارنة، هنكتشف أن شاشة تورنيدو هايكون لها الغلبة. لأنها بتقدم المواصفات والامكانيات الموجودة في الشاشات الغالية. وفي نفس الوقت بسعر منخفض.
يمكن أكتر ميزة حسستنا أننا فعلا أمام شاشة لا يستهان بها، هي ميزة تسجيل المحتوى واعادة بثه. بحيث المستخدم مايفوتوش أي حاجه من البث المباشر. ودي ميزة رائعة خاصة في مباريات كرة القدم وغيره.
ميزة زي دي كانت موجودة في شاشات LG وأصبحت مش موجودة في الموديلات الحديثة ودي حاجه خلتنا نستعرب وخلت المستخدمين متضايقين.
هانتعرف مع ياقوطة على أهم المواصفات الفنية للشاشة وأهم مميزاتها وعيوبها ولو الشاشة عجبتك هتقدر تطلبها من خلالنا في ياقوطة ودلوقتي مع شهري، تقدر تشتري أي شاشة أو مستلزماتها بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.
Recent Comments