مستعدة ليوم الولادة؟ اعرفي لازم تاخدي إيه معاكي
كتبت: ياسمين الشرقاوي
مستعدة لليوم العظيم؟ أيوه هو اليوم اللي بتفكري فيه بقالك ٩ شهور.. عرفتي هتحضري إيه؟ ولا لسه قلقانة وغرقانة في التفكير في مليون حاجة وحاسة إنك هتنسيهم؟
من أكتر الحاجات اللي بتفكر فيها الأم الحامل هو يوم الولادة، هتاخد إيه معاها؟ مين هيكون المرافق؟ قيصري ولا طبيعي؟ وأسئلة كتيرة بتخليها تقضي كل يومها في تفكير وانشغال. وجود خطة مسبقة وحاجات متجهزة في وقت مبكر قبل اليوم العظيم ده، هيخلي يوم الولادة يوم منظم وخالي من الفوضى وهيوفر للأم مساحة للتفكير في صحتها وصحة طفلها والاستمتاع بهذه اللحظات.
وعشان ياقوطة بتهتم براحتك، فكّرنا نعملك قايمة بكل اللي المفروض تفكري فيه وترتبيه وتاخديه معاكي المستشفى يوم الولادة عشان يرتاح بالك من كتر التساؤلات. وأجمل ما في الموضوع إن أنا مرَيت بالتجربة دي من وقت قصير وهتكون كتابتي وبحثي عن تجربة وخبرة، وأتمنى أقدم لكل أم حيرانة الإجابة المفيدة والشاملة.
Recent Comments