دليلك لأكثر أجهزة مراقبة الطفل شعبية: المواصفات والمزايا والعيوب
كتبت: يارا الحميلي
اليومين دول الأعباء بتزيد على الأب و الأم، من الشغل للبيت للالتزامات التانية. وعشان ضغوطات الحياة دي بيزودها كمان وجود طفل في البيت، وجود جهاز لمراقبة الطفل بقى حاجة مهمة وضرورية؛ وده لإنه بيوفر كتير قوي من الوقت والمجهود اللي بيضيع في إنهم يتأكدوا إن الطفل كويس أو نايم في الوضع الصحيح. الدراسات أثبتت إن في الوقت اللي الطفل بيتم فيه سنة، الأب والأم بيكون ضاعت عليهم ١٨٣٦ ساعة نوم، الرقم اللي بيعادل تقريبًا ٧٧ يوم.
تجنبًا للموضوع ده بيبقى الجهاز ده أساسي لسلامة الطفل وراحة بال الأب والأم. جهاز المراقبة بيدي فرصة للأهل إنهم يناموا من غير ما يضطروا كل شوية يقلقوا ويقوموا يشوفوا الطفل كويس ولا لأ، بيعيط ولا لأ، لإنهم هيبقوا دايمًا شايفينه أو على الأقل سامعين صوته. الجهاز ده كمان مفيد جدًا للأمهات اللي عندهم مربيات، لإنه بيسمح للأم إنها تطمن على الطفل وهو مع المربية طول الوقت.
ولإن فيه منه أنواع وأشكال وأسعار كتير، ياقوطة جمعتلك أهم الأنواع اللي موجودة في السوق، وفي المقال ده هنتعرف على مزايا وعيوب كل منتج وتجارب المستخدمين ليه وأفضل أسعاره. كمان هتقولك إيه الحاجات اللي لازم تفكر فيها قبل ما تشتري جهاز مراقبة البيبي. لو عجبك أي منتج ممكن تشوف أفضل الأسعار ليه على ياقوطة وتطلبه واحنا هنوصله لحد عندك في أقرب وقت.
أكتر ٨ منتجات أطفال شهرة وشعبية على ياقوطة
كتبت: يارا الحميلي
من أول الأم ما بتعرف خبر الحمل، وبيبدأ شكل مشتريات الأسرة كلها تتغير، كل أفراد الأسرة بيبدأوا يركزوا في عالم جديد من المنتجات اللي عمرهم ما كانوا بيهتموا بيها، وساعات حتى ما بيكونوش عارفين إنها موجودة في الحياة.
وعشان عالم منتجات الأطفال واسع جدًا وفيه اختيارات ومواصفات كتيرة، ياقوطة قررت تقصر عليكم السكة وتعرضلكم كل التفاصيل عن أكتر ٩ منتجات شعبية وشهرة على موقعها خاصة بالأطفال. مش بس كده، ياقوطة كمان هتعرضلك كل التفاصيل الخاصة بكل منتج للأطفال، بداية من المواصفات للمزايا والعيوب، عشان تبقى عندك الصورة كاملة وتقدر تحدد إذا كنت فعلًا محتاج المنتج ده ولا لأ. لو عجبك منتج شوف أحسن أسعار ليه على ياقوطة، وما تترددش إنك تطلبه واحنا هنوصله لبابك في أقرب وقت.
Recent Comments