مواصفات وأسعار أفضل الموبايلات على مستوى الكاميرا على ياقوطة
كتب: خالد عاصم
من أكتر العناصر اللي اتطورت في الموبايلات خلال الفترة اللي فاتت، الكاميرات، وده لان كاميرا الموبايل واحدة من أهم العناصر أصلًا واللي كتير أوي بترجح قرار شراء موبايل مقارنة بموبايل تاني، وعشان كده فشركات تطوير الموبايلات بتشتغل دايمًا على تطوير كاميرا الموبايل وبتحاول إنها توصل لأفضل بديل ممكن أو مقبول على الأقل مقارنة بالكاميرات الرقمية أو الاحترافية.
والتطوير في كاميرا الموبايل بيقوم على عدة مستويات، المستوى الأول هو الاهتمام بتطوير العدسة الرئيسية، فبقى عندنا دلوقتي دقة بتوصل لحد ٢٠٠ ميجا بيكسل وبقى فيه مستشعرات بقطر ١ بوصة يعني زي الكاميرات الاحترافية، ده غير التطوير المستمر على مستوى التقنيات المختلفة زي التركيز التلقائي والتثبيت البصري وغيرها، أما المستوى التاني فهو تطوير العدسات الإضافية زي العدسة بالغة العرض والعدسات المقربة اللي بتشهد تطوير كبير جدًا خلال الفترة اللي فاتت، أما المستوى التالت فهو مستوى البصريات أو العدسات نفسها، وفي القطاع ده اشتركت واتعاونت شركات الموبايلات مع شركات مختلفة متطورة في عالم البصريات زي Zeiss وLeica مثلًا، ده غير المستوى الرابع والخاص بالبرمجيات وبرنامج التصوير نفسه والذكاء الاصطناعي وتحسين مستوى التصوير الليلي وغيرها.
ولو انت بتدور على كاميرا الموبايل الأفضل في السوق المصري حاليًا، فاحنا هنعرفك النهاردة على مجموعة من أفضل الموبايلات المتوفرة في السوق المصري على مستوى الكاميرات، واللي هتلاحظ إنها بطبيعة الحال بتنتمي للفئة الرائدة.
ولو أي موبايل من اللي هنتكلم عنهم عجبك هتقدر تطلبه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.
أفضل موبايلات 2019 القادرة على المنافسة في 2020
كتب: خالد عاصم
مع بداية سنة ٢٠٢٠ بنستنى ظهور موبايلات جديدة ولكن ده مش معناه إن مفيش موبايلات من اللي ظهرت السنة اللي فاتت منقدرش نسميها موبايلات ٢٠٢٠ برضه، لأن موبايلات كتير جدًا من اللي نزلت السوق سنة ٢٠١٩ لسا تستاهل إننا نشتريها وتقدر تؤدي أداء ممتازة جدًا وهيفضل منافس لعدد كبير من موبايلات ٢٠٢٠ اللي مستنيين الكشف عنها خلال الأسابيع والشهور الجاية.
من خلال المقال ده هنتعرف على مجموعة من الموبايلات اللي نزلت السوق السنة اللي فاتت واللي لسه نقدر نسميها موبايلات ٢٠٢٠ واللي بتتنوع بين الفئة الرائدة والمتوسطة، وأي موبايل من اللي هنتكلم عنهم في المقال هتقدروا تطلبوهم من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.
أهم الموبايلات بين ١٠ آلاف لحد ١٥ ألف جنيه مصري على ياقوطة
كتب: خالد عاصم
الموبايلات غليت جدًا، ده أكيد. بس أكيد كمان إن ارتفاع أسعار الموبايلات بقى ظاهرة عالمية وده بيرجع لأسباب كتير جدًا من بينها التطور الكبير اللي بيحصل في الموبايلات وتقنياتها كل يوم. فالموبايلات مابقتش زي زمان مجرد وسيلة اتصال بالصوت أو حتى على الإنترنت، دي بقت وسيلة اتصال وتصوير وسماع مزيكا وشغل وحاجات كتير جدًا، وتطوير الحاجات دي بيحتاج إنفاق كبير من الشركات اللي بتطور منتجاتها ده غير مصاريف التصنيع والتقنيات نفسها، وبالتالي ده بيخلي أسعار الموبايلات كل يوم في الطالع.
ومع ارتفاع الأسعار ده انتعشت فئات كانت موجودة في الأسواق وظهرت كمان فئات جديدة أبرزها اللي بنسميها مجازًا الفئة فوق المتوسطة، بس على الرغم من كده لسه الموبايلات الرائدة واللي سعرها غالي ليها سوق وسوق قوي كمان، وأكيد ليها جاذبيتها اللي بتخلي عدد مش قليل من المستهلكين يتجه ليها أو على الأقل يخطط إنه يتجه ليها في وقت من الأوقات، وسواء كنت من دول أو دول فالمقال ده مهم بالنسبالك.
ففي المقال ده اخترنا شريحة معينة من الموبايلات الرائدة الغالية والشريحة دي هي اللي بين ١٠ آلاف لحد ١٥ ألف جنيه، وهنعرف أفضل موبايلات الفئة دي ونتعرف على مواصفاتها وأسعارها. ماتنسوش إنكم لو عجبكم أي موبايل من الموبايل الموجودة في المقال ده، تقدروا تطلبوها فورًا من خلالنا في ياقوطة وهتوصلكم لحد البيت أو أي مكان تحبوه بأسرع وقت ممكن.
Recent Comments