اشترى اون لاين بدل ما تعفرتوا الجوازة

الشراء اونلاين

كتب: ناديه حسين

احيانا بنيجي نفكر كده إن في حاجات لازم ننزل نشتريها بنفسنا، زي مثلا أي اتنين هيتجوزوا لازم ينزلوا كل يوم عشان يشتروا حاجات البيت زي العفش والأجهزة الكهربائية وغيره وغيره، وأكيد النزول كل يوم صعب أو بمعنى أصح مستحيل. دا غير طبعا إن الرجالة معندهمش صبر علي الستات في الشراء ويقعد يتخانق معاها في المحل قدام الناس عشان في خمس ساعات اختارت حاجة واحدة بس من بين 3 محلات أو عشان ذوقها مش عاجبه وتيجي تقوله اختار معايا يقولها لأ البيت بيت الست، مع إن هما الإتنين عايشن فيه مع بعض.. طب تعمل إيه؟! دا غير بقى المشكلة الأكبر والأهم.. الحماوات!! أم الراجل تقوله لأ يابني أنا لازم أنقي عفش إبني وأم البنت تقولها هي إزاي أمه تيجي هي مالها، أنا اللي هاجي معاكوا، أنا لازم أنقي عفش بيت بنتي.. رغم إن هما الإتنين مش بيزروهم غير مرة في السنة!

الأون لاين شوبينج دلوقتي بيوفَر عليك إنك حتى تنزل تتفرج على العفش في المحلات، أو تسافر دمياط عشان تروح تتفرج علي الخشب.

ولازم طبعا تاخد معاك بنت عمة مامتك عشان ماتتلخبطش بين الخشب الأرو والخشب الزان. وبرضه الأون لاين شوبينج هيوفَرعليك تروح لمنجد عشان يفصلَك حاجة على مزاجك أو تروح ل مول تجاري كبير وتتفرج على 60 محل و في الآخر ميعجبكش حاجة أو الأسعار تبقى مش مناسبة لك.

تفتكروا ممكن نجهز شقة كاملة أون لاين.. الفكرة أكيد مش سهلة. محدش كتير مننا عنده الجرأة على خطوة زى دى. طيب تعالوا نشوف ايه الى ممكن يحصل لما نجهز بيت الزوجية كله أو اغلبه اون لاين. هتوفر ايه وهتخسر ايه! وايه التنوع الى بيضمنه لك الشراء اونلاين! شكلها ايه تجارب الناس الى اشتروا بالطريقة العادية.. وهتفرق انت ايه عنهم لما تختارها اونلاين!

الوقت والمواعيد

ازاى نبتدى حياتنا الزوجية بهدوء.. مع اننا عشان نبدأها بس لازم نأسس بيت حلو وجميل يعجبنا كلنا. مشكلة الوقت بقت حاجة مزعجة.. عشان تحدد ميعاد ويناسب العريس والعروسة بالإضافة إنه يناسب الأهل والمعارف والأحباب والجيران الى عايزين يجاملوا وينصحوا. حددنا الميعاد وهنستحمل طبعا الزحمة والحر وصعوبة المواصلات اللى أساسًا بيخلونا نكسل ننزل نشتري حاجات مهمة وأساسية في حياتنا سواء أكل أو شرب أو حتى لبس.

الخناقات ومشاكل مش بتنتهى …..!! الحل ايه من غير رغى كتير

زى ما الدليفرى من وقت ما ظهر فى حياتنا وفر علينا حاجات كتير.. الأونلاين شوبينج وفَر علينا النزول في الزحمة والبهدله في الشارع والمواصلات. شوف كدا الخطوات دى عشان تقوم بالمهمة على أكمل وجه…

1- جمع كل الى انت عايزهم يتفرجوا على عفش الشقة والأجهزة الكهربائية والحلل والمعالق وكل حاجة.. وافتحوا لاب توب وافتح موقع ياقوطة..وابدأ المعركة. لو بتدور على لوازم منزلية وعفش جرب من هنا الأول . لو عايز تبحث بالمنتج .. روح للخطوة الثانية.

2- كل منتج هتلاقى تحته المواصفات، ولو معروض فى اكتر من متجر هتلاقى مقارنة فى الأسعار.. وممكن كمان تلاقى ألوان كتير وموديلات لنفس المنتج. ومن هنا هتلاقى ( أساسيات استخدام يا قوطة ).

3- اختاروا براحتكم وقارنوا بين المواصفات والأسعار..حتى غيروا رأيكم ودوروا على منتج جديد وماركة احسن.. ما هو انت بتلف فى ياقوطة زى اللف فى المولات التجارية واسرع بكتير جدا. انت بتقرر فى ثانية وبتفتح صفحة المنتج وتقراها وتفحصها وممكن تشوف تقييمات للى اشترى قبلك فى دقايق.

4- احسبها كدا كام دقيقة ممكن تاخدها فى قرار شراء منتج واحد .. لو انت متردد جدا وهتقارن ماركات كتير مش هتاخد اكتر من نص ساعة .. انت والعيلة هتاخدوا ساعة .. شوف دا وفر عليك اد ايه.

متاجر للى يحب يجرب ( اتفرج وبعدين قرر )

فى متاجر متخصصة مثلًا فى الأجهزة الكهربائية وفى متاجر بتبيع كل حاجة.. وفى تخصصهم فى الأثاث بس. وفى متاجر بتبيع بالتقسيط.. واطمن ممكن تختار الدفع عند الاستلام عشان تفحص المنتجات زى ما انت عايز.

1- رزق الله

رزق الله واحد من أنجح و أشهر محلات بيع الأدوات الكهربائية فى مصر. رزق الله ابتدا فى 1979. من زمان رزق الله كان أول حد يقدم امكانية الدفع على أقساط فى السوق المصرى.. لما تطلب أونلاين لازم الدفع يكون كاش عند الاستلام و أكيد ممكن تتفاهم مع الفرع اللى هتستلم منه لو فى امكانية التقسيط أو الدفع ببطاقة ائتمان أو لأ.

2- بى.تك

بي.تك من اكبر المحلات الالكترونية في مصر اللي بتقدم تشكيلة كبيرة من الأجهزة الكهربائية زي التليفزيونات، غسالات الاطباق.. الخ. بي-تك لديها اكثر من 40 فرع في محافظات كثيرة و كمان عندهم خدمة التقسيط.

3- القاهرة للمبيعات

القاهرة للمبيعات هى واحدة من اشهر البائعين القطاعى للأجهزة الالكترونية و المنزلية و ادوات المطبخ فى مصر لأكتر من 35 سنة. القاهرة للمبيعات بيعرض منتجات لأشهر الماركات العالمية زى كينود و إل جى و ماركات كتير تانية عشان تساعدك انك تفرش بيتك الجديد أو تجدد حاجة فى بيتك و تكون ضامن جودة المنتجات دى و واثق فيها. القاهرة للمبيعات بينفرد لعملاؤه بامكانية استبدال اجهزتهم القديمة بأجهزة جديدة و كمان بيكون ليهم خصومات كبيرة لما يشتروا. وكمان الشحن لحد البيت مجانًا.

4- Ashley Egypt

لو عايز تفرش بيتك أو حتى تجدد ستايله و تخليه مودرن و مواكب للعصر أشلى هيساعدك كتير. أشلى بيقدم مجموعة من التصميمات للعفش المودرن و اللى هتديك لمسة فريدة فى بيتك. نظرا لصعوبة اتخاذ القرار وقت شراء العفش و ده بيتطلب مرواح المحل اكتر من مرة عشان نتفرج و كمان مرة عشان نشترى بس أشلى سهلك كل ده عن طريق موقعهم أونلاين ممكن تشوف كل المنتجات و تطلب القطع اللى عجبتك كمان و لو حابب ممكن تنزل تتفرج على المنتجات فى أقرب فرع ليك و اطلب اللى عجبك أونلاين بدل ما تنزل مرتين. ممكن تشوف كتالوج أشلى اونلاين و فيه كل المنتجات، كمان خدمة التوصيل و التركيب بتكون مجانا عشان تريح بالك. رغم إن عدد فروع أشلى مش كتير لكنه هيوصل لك طلبك فى أى حتة.

فى متاجر تانية كتير..ممكن تختار منها الأثاث والأجهزة المنزلية والديكور حتى  البياضات ومفروشات السرير وإكسسوارات الحمامات وادوات المطبخ. مبقاش فى حاجة مش متاحة للشراء اون لاين..فكر وجرب فى حاجة صغيرة ممكن تنفع وتوفر على نفسك ساعات وجهد وخناقات كتير..

التجربة افضل حل مع حاجة جديدة ناس كتير جربوها ونجحت بدليل وجود كل المتاجر دى أون لاين فى خدمتك.

Leave a Reply

Your email address will not be published. Required fields are marked *