تشترى بلاي ستيشن فيتا ولا نينتندو ثرى دى إس

بلايستيشن-فيتا-ونينتندو

كتب أحمد نامك و ترجمة دينا أمير

من يوم ما ظهر اللعب والبلاى ستيشن وفكرة وجود وسيلة متحركة للعب مسيطرة على الناس كلها. أول ما سمعت انى ممكن العب و انا فى العربية بعد ما ظهر الجام بوى كنت مش مصدق نفسى اخيرا هلعب عند جدتى أو فى العربية أو و أنا عامل نايم تحت البطانية عشان عندى مدرسة.طبعا التطور اللى حصل من بعد كده كان رهيب لأن ظهرت اجهزة  كتير. طبعا كل الناس اللى بتسافر كتير أوى أو بتقضى وقت طويل بره البيت أو حتى بتحب نوع معين من الألعاب و بيشتروا أجهزة لمجرد حبهم فى الألعاب دى، ادركوا إن الاجهزة دى بقت جزء مهم من حياتهم.

عشان كده هنتكلم عن الأجهزة اللى ممكن تلعب بيها وتكون قد ايدك و هنعرض الأسعار و المميزات و العيوب و بعض الخصائص اللى ممكن تكون مش عارفها.

Sony’s PlayStation Vita

الجهاز ده يا إما هيكون تحفة بالنسبة لك أو مش هتحبه خالص. لو عايز تلعب ألعاب مغامرات HD واضحة على شاشة 5 بوصة مع دقة شاشة 960*544 بيكسل. يبقى الجهاز ده ليك و لو اشتريته هتحبه.

مميزات

بلاي ستيشن فيتا ده ممكن تلعب عليه ألعاب كتير ولو عندك بلاى ستيشن 3 أو 4 و وصلت البلاي ستيشن فيتا  والبلاى ستيشن بالانترنت سوا ممكن تلعب كل ألعاب البلاى ستيشن اللى عندك فى البيت حتى و أنت بره. ممكن كمان تلعب بعض ألعاب بلاى ستيشن 1 من على متجر بلاى ستيشن.

الجهاز ده كمان المعالج بتاعه قوى و بيخليك تلعب ألعابك بسلاسة ده غير الجرافيك الـ HD  و حجم الذاكرة العشوائية كل ده هيديك صورة واضحة و دقة فى الشاشة عالية.

لو بتدور على الإمكانيات دى يبقى اشترى بلاي ستيشن فيتا خصوصا مع امكانية توصيلة واى فاى و بلوتوث و ممكن تحط فيه خط عشان اتصال 3G و النت طول ما أنت بره البيت.

عيوب

لو المواصفات دى مش مناسبة ليك أو الذاكرة بتاعته مش كفاية مقارنة بكل الحاجات اللى عايز تخزنها عليه أو يكون جهاز محاكاة لأجهزة تانية عشان يكون سهل الوصول إلى وحدة الألعاب مجانية رغم أنه مش قانونى لكنه نقطة مهمة لناس كتير أو لو شايف إنه غالى زيادة لأن الألعاب سعرها من  400- 500 جنيه مصرى غير سعر الجهاز 1700 – 2100 جنيه مصري.

كل الأسباب دى ممكن تبعد ناس كتير عن بلاي ستيشن فيتا، خصوصا إن سعره غالى و كمان ألعابه غالية وعدم وجود خيار محاكاة ومش ممكن تعمل قرصنة عشان تاخد ألعاب ببلاش. غير كده حجمه كبير ومحتاج كارت ذاكرة خارجى لو هتلعب ألعاب كبيرة متطورة.

خصائص

المعالج :  ثمانى النواة  ARM Cortex A9

شاشة: اوليد 16: 9 و حجم  5  بوصة.

ذاكرة: 512 ميجابايت للذاكرة الأساسية، و 128 ميجابايت للذاكرة عشوائية.

بطاقة الجرافيك : SGX43MP4+

كاميرا: امامية و خلفية، 120 اطار فى الثانية بدقة 320 في 240 بيكسل أو 60 اطار فى الثانية بدقة 640 في 480 بيكسل. 0.3 ميجابيكسل.

منافذ:  منفذ لشريحة للاتصال بالانترنت ومنفذ كارت ذاكرة خارجى و منفذ كارت بلاى ستيشن فيتا.

السعر

يبدأ من 1700 جنيه مصرى.

شوف من هنا مقارنة أسعار لجهاز بلاي ستيشن فيتا.

هتلاقى هنا ألعاب لجهاز بلاي ستيشن فيتا.

Nintendo DS/3DS Family

لو بتحب ألعاب البوكيمون وممكن تفضل تلعبها لساعات،  يبقى الجهاز ده مناسب ليك وهيكون المفضل عندك و هتبقى من معجبيه الكتير.

مميزات

شكله مميز جدا  وله شاشتين وحجم مناسب غير إن التحكم بيكون عن طريق ازرار وكمان التحكم باللمس. ممكن تلعب عليه لساعات لأن البطارية بتعيش لفترة طويلة مقارنة بباقى الأجهزة المماثلة غير جودة اللعب اللى مش بتتغير فى كل الموديلات.

لو هنتكلم على 2DS يبقى لازم نعرفى إن خاصية ثلاثية الأبعاد مش موجودة عشان تقلل من سعره شوية وهو مناسب جدا للأطفال و عليه غطاء بلاستيك عشان يحمى الجهاز.

اما 3DS فده جهاز متطور و رائع و سعره يتراوح من 1800 – 2000 جنيه مصرى و كارت الذاكرة عشان زيادة المساحة (أغلب الأجهزة بتتباع معاها كارت  ذاكرة 2 جيجا) . الشاشة أصبحت أكبر و خاصة مع موديل 3DS XL4 ، 88 بوصة للشاشة العلوية و 4 و 18 بوصة للشاشة السفلية. خاصية ثلاثية الأبعاد بتعرضلك الألعاب بشكل مختلف زى  “Legend of Zelda: a link between worlds” و فى تطبيق جديد ممكن تستخدمه للفيديوهات ثلاثية الأبعاد هيعيشك تجربة مختلفة بجد. ممكن تتصل بالانترنت وتلعب اونلاين . لو بتحب تنزل ألعاب ببلاش اونلاين  DS  القديم ممكن تعلمه اختراق بسهولة رغم إن ده مش قانونى بردو .

عيوب

البطارية عمرها بيقل مع كل اصدار جديد عشان تطور الجرافيك و الانترنت فالبطارية بتفضى بسرعة و ده اللى بيبعد ناس كتير عن 3DS . كمان عدم امكانية شراء جميع  الألعاب أونلاين لأن مفيش تشكيلة كبيرة عشان كده لو عايش فى مكان مفهوش ألعاب تشتريها من محل للجهاز يبقى 3DS  مش هيعجبك. الانترنت بطىء وهيضيع لك وقت كبير بسبب تطبيق نيتفليكس.

خصائص

المعالج : ثنائى النواة، : ARM dual core 268 MHz

شاشة: 3.53 بوصة.

ذاكرة داخلية: 128 ميجابايت.

كارت الجرافيك: Digital Media Professionals Pica 200

كاميرا: امامية وخلفية 0.3 ميجابيكسل

منافذ: منفذ للقلم، منفذ بطاقة الذاكرة الخارجية، منفذ نينتيندو دى أس.

بعض الخصائص دى بتتغير من موديل للتانى زى 2DS و DS XL 3.

السعر

يبدأ من 2100 جنيه مصرى.

شوف من هنا مقارنة  أسعار ل Nintendo 3DS.

 هتلاقى هنا ألعاب لـ Nintendo 3DS .

الخلاصة

فى النهاية خلينى أقول إن الأجهزة دى كويسة لكنها مصممة لناس مختلفة. فلو بتحب ألعاب ثلاثية الأبعاد و دخول على النت و يوتيوب و نيتفليكس يبقى بالنسبة لك بلاي ستيشن فيتا PS Vita  هيكون أحسن.

 بس لو بتدور على تجربة ممتعة و بعض خصائص ثلاثية الأبعاد و اكسسوارات تساعدك تدخل فى مود اللعبة زى ميكروفون و غيره و ألعاب سعرها معقول يبقى بوكيمون ثم Nintendo 3DS  الجهاز المناسب ليك.

شخصيا بحس إن PS Vita  هيكون مناسب ليك لو عايز ألعاب متتطورة وجرافيك عالى و ألعاب زى GTA5  أو call of Duty و توصل البلاى ستيشن 4 أو بلاي ستيشن 3 بالجهاز و تلعب و أنت بره البيت .

بالنسبة ل Nintendo 3DS family فهو مناسب للكبار و للأطفال و هيكون مناسب ليك لو بتحب ألعاب Nintendo و ألعاب تقليدية زى Mario و legend of Zelda و بوكيمون و ألعاب غيرهم مع خيارات جرافيك رائعة.

ممكن تدور على أجهزة أو ألعاب من اختيارك على www.yaoota.com . اطلبها من بيتك ووفر وقت و مجهود و هيجيلك طلبك لحد البيت.

Leave a Reply

Your email address will not be published. Required fields are marked *