إزاي تستخدم محرك بحث ياقوطة للتسوق

ازاي-تستخدم-ياقوطة-محرك-بحث

كتب نادية حسين

إزاي تستخدم محرك بحث ياقوطة للتسوق عشان توصل لأفضل سعر وأحسن منتج بكل سهولة بدل اللف على كل المحلات التجارية أو البحث أونلاين في كل المواقع اللي بتبيع أونلاين.

افتح موقع ياقوطة (www.yaoota.com)  ياقوطة هو محرك بحث للتسوق، هيساعدك توصل لكل الأسعار المتاحة لنفس المنتج في أكثر من 100 متجر أونلاين ودا فايدته إنك تقدر تحدد السعر الأنسب والأوفر لك وتختار تشتري من أي محل على حسب مين بيوصل أسرع أو مين معاه ضمان وجودة أحسن. أو حتى لو هتشتري من محل عادي تبقى على دراية بالأسعار.

طرق البحث في ياقوطة

  1. أول ما تفتح الموقع بيظهر لك مربع تكتبه فيه ( عايز تشتري ايه) مثلًا عايز موبايل ومش محدد أي موديل.
  2. كمثال اكتب (غسالة) أو أي حاجة تانية أنت بتدور عليها وممكن تبحث بالعربي أو الإنجليزي، بعدين اضغط على (بحث).
  3. أو ممكن تبحث عن طريق الأقسام المختلفة زي (هواتف محمولة وتابلت، كمبيوتر وبرامج، الكترونيات، أطفال، موضة وجمال، كتب وترفيه، لوازم منزلية، مستلزمات مكاتب، أدوات رياضية) وفايدة الطريقة دي إنك بتكون في القسم اللي فعلًا محتاج منه المنتج فبتكون نتائج البحث مختصرة أكتر وبكدا توصل أسرع للحاجة اللي أنت محتاجها.

تحديد السعر اللي أنت عايزه

  1. زي ما الصورة اللي في بداية المقال بتوضح، هتنتقل لصفحة فيها كل الموبايلات المعروضة في ياقوطة وغالبًا الأسعار الأقل هي اللي بتظهر في بداية البحث.
  2. دلوقتي في اختيار مهم لك مادامت مش محدد نوع موديل أو منتج محدد من البداية، وهو «تحديد نطاق سعر» ودا هيكون موجود أسفل الصفحة على اليمين فى نسخة ياقوطة العربي.
  3. من خلال  (نطاق السعر) هتقدر تحدد السعر اللى يناسبك ميزانيتك ثم اضغط على (حدد) وقتها الاختيارات أدامك هتقل جدًا..

 اتفرج على الموديلات المتاحة وأسعارها ومواصفاتها وافتح صفحة المنتج اللي اخترته ولو في تقييم له هتلاقيه بيوضح عيوب المنتج ومميزاته.

قرار الشراء 

  1. لو خلصت ووصلت لقرار، اضغط على (اشتريه من —) هتنتقل للمتجر/الموقع اللي بيبيع المنتج وهتكمل الخطوات معاه.
  2. تقدر تختار الدفع عند الإستلام ، وكمان تقدر تستعلم – من المتجر اللي بيعرض المنتج -على الضمان وأي اسئلة بتشغل بالك عن المنتج اللي هتشتريه، أغلب المتاجر لها خط ساخن أو رقم موبايل دا بيسهل عليك أنك تتصل بيهم وتفهم كل اللي أنت عايزه.

ياقوطة ممكن تساعدك في إيه تاني ؟

  • لو في حاجة وقفت أدامك تقدر تسألنا في  صفحة yaoota.com في فيسبوك أو تترك لنا تعليق في المقال دا.
  • مع ياقوطة هتقدر تبحث عن منتجات كثير لأن أقسامنا بتغطي أغلب الاحتياجات، مثلا من أقسام ياقوطة في ( هواتف محمولة وتابلت، كمبيوتر وبرامج، الكترونيات، أطفال، موضة وجمال، كتب وترفيه، لوازم منزلية، مستلزمات مكاتب، أدوات رياضية) وتحت قسم منهم في أقسام كثير فرعية.
  • ممكن تسجل دخول لياقوطة من خلال فيسبوك أو جوجل أو أي ايميل عندك ،وتعمل لك قوائم مفضلة للمنتجات اللى بتفضلها وناوي تتفرجها عليها بعدين أو عايز تحتفظ بيها لأي سبب. وكمان ممكن تفيد الناس وتكتب تقييم سواء سلبي أو إيجابي لمنتج أنت جربته وحابب تشارك مع الناس تجربتك وتفيدهم بخبرتك.
  • ممكن تعرف تفاصيل أكتر عن  المتاجر المختلفة ومدة توصيل المنتج والضمان وطرق الدفع المختلفة من خلال زيارة www.yaoota.com/stores.
  • دلوقتي تقدر تنزل تطبيق ياقوطة لأجهزة اندرويد وأجهزة iOS.

Leave a Reply

Your email address will not be published. Required fields are marked *