دايما الناس بتفتكر إن وصفات المطبخ  الآسيوي  صعب تتعمل فى البيت بس الحقيقة  فى وصفات كتيرة سهلة اوى تتعمل فى البيت و بتكون كل مكوناتها تقريبا موجودة اساسى فى البيت فمش بتحتاج مجهود.. منهم الوصفة دى، فراخ بصوص الصويا اصلها صينى سهلة و سريعة. جربيها و قوللى لنا لو عجبتك.

المقادير

١/٤ كيلو فراخ

١ فلفل اخضر

١ فلفل احمر

١ فلفل اصفر

١ حزمة بصل اخضر

١/٤ كيلو جزر

١/٤ كيلو مشروم طازة

١ معلقة صغيرة جنزبيل

٥ معالق كبار صوص صويا غامق

١ معلقة صغيرة نشا

١ معلقة صغيرة سكر

الطريقة

– قبل ما تبتدى قررى لو عايزاهم شرايح ولا مكعبات و قطعى كل حاجة على نفس الشكل (انا بعملها شرايح ييبقى شكلها اشيك).

– اخلطى الفراخ بالجنزبيل.

– حمرى الفراخ فى نقطة زيت فى حلة لحد بس ما لونها يبيض (٥ دقايق).

– زودى عليها الصويا و السكر.

– زودى الخضار.

– دوبى النشا فى ١/٤ كوباية مياه و بعدين حطيهم على الفراخ.

– اظبطى الطعم بملح و فلفل