كتبت: منى عوض

محدش بيحب يعيش في فوضى وانعدام التنظيم، وحتى لو قبلت دا لفترة هتلاقي نفسك بعدها بدأت تسعى إنك تنظف المكان وتلم وتروق حاجتك. بس ممكن تسيطر على الفوضى دي وتنظم دولابك وحاجتك الشخصية وملابسك وإكسسواراتك باستخدام منظمات أو أدراج زيادة أو دولاب أو أي حاجة تساعدك في ترتيب الحاجة بشكل كويس ومن غير ما تخلي الدنيا زحمة في المكان.

من هنا، حابين نستعرض سوا أفضل الأدوات والمستلزمات اللي ممكن تستخدمها في تنظيم دولابك وأغراضك عمومًا. ولو عجبك حاجة من اللي هنستعرضها وحبيت تشتريها تقدر تعرف أحسن سعر ليها وتقدر كمان تطلبها من خلالنا في ياقوطة وهتوصل لحد المكان اللي إنت عايزه في أسرع وقت ممكن.

بنفكرك إنك ممكن تشتري أدوات هتساعدك على تنظيم دولابك من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

ستاند ملابس

ستاند الملابس عملي جدًا في تنظيم الملابس والإكسسوارات وكل المستلزمات الشخصية، فهو عبارة عن رف معدني في العادة بحيث إنه يكون قوي وشديد التحمل للملابس وأوزانها. ومعظم ستاندات الملابس بيكون فيها رف سفلي أو جزء مخصص للأحذية وتقدر تعلق عليه كمان الشنط والأحزمة والإكسسوارات وكل الأغراض الشخصية، بالتالي التخلص من الفوضى المنتشرة في المكان.

ستاند الملابس بيكون مزود بأربع عجلات أو عجلتين في العادة بحيث تتنقل بيه بين الغرف أو تحطه في المكان اللي تحبه بكل سهولة ومن غير ما تضطر تشيل الحاجات المتعلقة عليه عشان تنقله وبعدين ترجعها وهكذا، يعني كل اللي عليك إنك تحركه وحاجاتك عليه وخلاص.

شوف عروض ستاند الملابس المختلفة المتوفرة على ياقوطة من هنا.

شماعة ملابس

الشماعات من الأدوات الفعالة في تنظيم الدولاب، وفي الفترات الأخيرة ظهرت شماعات متعددة الاستخدامات بمعنى أنك تقدر تعلق عليها أكتر من قطعة من ملابس بحيث توفر المساحة التخزينية وتنظم الدولاب في النهاية.

شوف عروض شماعات الملابس المختلفة المتوفرة على ياقوطة من هنا.

شماعة ملابس حلزونية

شماعات الملابس حلزونية الشكل مش بتاخد حيز في الدولاب وتقدر تعلق عليها أكتر من قطعة ملابس في نفس الوقت وهتلاقي إنها نظمت الدنيا ووفرت مساحة كبيرة بشكل كبير.

شوف عروض شماعات الملابس الحلزونية المختلفة المتوفرة على ياقوطة من هنا.

دولاب صغير

ممكن تلجأ كمان لفكرة شراء دولاب صغير لو المساحة عندك تسمح، وهتلاقي الفكرة دي منظمة أكتر وهتقدر توصل للهدوم بسهولة. وضروري تعرف إن الدولاب الصغير عادةً مش بيكون فيه مكان لتعليق الملابس بس تقدر تحط الملابس المتطبقة والإكسسوارات والشنط وممكن الأحذية وما إلى ذلك.

شوف عروض دولاب صغير المختلفة المتوفرة على ياقوطة من هنا.

صناديق تخزين صغيرة

صناديق التخزين بتساعد في تنظيم الأغراض المنزلية المختلفة زي الملابس والشرابات والإكسسوارات وممكن حاجات تانية كتير. والصناديق دي بيكون ليها أغطية بحيث تبقى الحاجة في أمان وتحافظ على نظافتها وإبقائها بعيدًا من الغبار.

شوف عروض صناديق التخزين الصغيرة المختلفة المتوفرة على ياقوطة من هنا.

علاقة ملابس جدارية

علاقات الملابس اللي بتتحط ورا الأبواب أو بتتثبت على الحوائط عمومًا من الأدوات العملية أيضًا اللي ممكن استخدامها في تعليق الملابس بدل ما تسيبها على الكرسي أو ترميها على السرير أو ترميها في أي مكان وتتبهدل وتتوسخ بعد كدا.

شوف عروض علاقة ملابس جدارية المختلفة المتوفرة على ياقوطة من هنا.

أرفف التخزين

أرفف التخزين عملية أيضًا واستخداماتها متعددة، بمعنى إنك لو حسيت إنك مش محتاجها في تنظيم الملابس والإكسسوارات وحاجاتك الشخصية عمومًا، فممكن تستخدمها في المطبخ أو الحمام أو المكتب أو أي مكان عمومًا. جدير بالذكر كمان إن الأرفف دي بتتركب فوق بعض في منظم شكله لطيف وتقدر كمان تفكها وتلمها كلها وتشيلها في كرتونتها أو في أي مكان مخصص للتخزين عندك.

شوف عروض أرفف التخزين المختلفة المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.