كتب: شذا وليد ، ترجمة دينا أمير

اللى  قال ” الفلوس متشتريش السعادة مكنش عارف يشترى منين” زى ما قالت بو ديريك و كلامها حقيقة بس أكيد مش لكل الناس. كل واحد فينا عنده ذوق و نظام مختلف فى معرفة الحاجات اللى عايز يشتريها و ده بيأكد إن ممكن طريقة تنفع مع حد و متنفعش مع التانى و عشان كده بنقدملك الأنواع المختلفة للناس اللى بتشترى.

• الشرا لمجرد الشرا
  

لو بتستمتعي بالشرا و بيديكي فرحة و انبساط غير أى حاجة تانية يبقى انتي من النوع ده. لو كده يبقى أكيد بتلفي على كل المحلات و تتفرجي على فترينة فترينة و تحتاري بين الألوان و تجربي ده و تجربي اللون التانى و تتفرجي شكلك كان ايه فى كل واحدة فيهم. كل ما تبقى عايزة تتبسطي تروحي المول و تفضلي تتفرجي على المحلات و تحسي بسعادة لما تشوفي كل الألوان والفترينات مترتبة و فى حالات بتكونى عايزة  تشترى لمجرد الشرا مش عشان محتاجة حاجة لكن عشان بتستمتعى بالشرا نفسه و ممكن ميكونش حتى معاكى فلوس بس برده عايزة تشترى حاجة.

ده بيعرفنا ايه عنك: انك كده مدمنة شرا و لو مش قادرة تسيطرى على نفسك هتحتاجى مساعدة من اخصائى نفسى قريب عشان يساعدك تنظمى عملية الشرا.

بما أنك بتحب الشرا فى أي مكان فى دى بعض الأماكن اللى هتستمتع بيها أوى: نفسك.كوم و جوميا و سوق.كوم و انيجما شوبنج و ستايل تريجر و Bespoke Egypt و Frillu و يشرى.

ممكن بردو تحبى الباليرينا الحلوة دى و ممكن يعجبك الجاكت ده و نظارة الشمس دى ظريفة اليومين دول و اكيد هتعجبك الجزمة دى.

• مشترى دوت كوم

لو عندك فيزا أو بطاقة ائتمان و النت شغال كويس ممكن تخلص الفلوس اللى فيها و تجيب كل حاجة تتخيلها و متتخيلهاش. انت مش بتحب تتمشى كتير فى وسط المولات و تضيع وقت وتبقى الدنيا زحمة و بتحب تعمل كل حاجة من بيتك براحتك. مجرد فكرة انك تجرب مليون حاجة فى المحلات و تقيس ألوان و مقاسات كتير ممكن تجبلك صداع. انت عارف مقاسك و عايز تطلب على الجاهز من المحلات اللى بتحبها و عندك فكرة عن طريقة الشراء أونلاين و كل الاجراءات بتاعتها. بتحس أنك ملك زمانك و انت بتشترى أونلاين لأنك بتشوف كل المنتجات من غير صربعة و جرى فى وسط المحلات.

ده بيعرفنا ايه عنك: انت بتحب تحس انك مسيطر على الوضع دايما و مش بتحب تشترى أى حاجة و خلاص لأنك بتحب تشوف كل الاختيارات و تشترى الأحسن ليك من غير ما تحتاج مساعدة حد ولا حتى الناس اللى بتكون فى المحل لأنك عارف اللى يناسبك كويس.

ممكن تحب تشترى من أماكن زى نفسك.كوم أو جوميا لأن دايما عندهم أحدث الموديلات و مواقعهم سهلة للاستخدام و مش هتتعبك.

ممكن تعجبك الساعة دى أو السويت شيرت ده عشان الجو هيبدأ يسقع و القفطان ده شيك جدا و مريح لازم تجربيه.

• محبي التخفيضات

لو كلمة “تخفيضات” من كلماتك المفضلة و عارف كل محل بيعمل امتى تخفيضات و ايه تشتريه امتى و ايه تستنى اما سعره ينزل .. لو بتهتم بأنك تشترى بأحسن الأسعار و عارف امتى تشترى فى التخفيضات و ايه تشتريه و ايه ممكن يكون جودته مش كويسة… لو صحابك دايما يسألوك نشترى منين و السعر ده غالى ولا مناسب عشان دى لعبتك لأنك عارف دايما تصرف فين و على ايه.

ده بيعرفنا ايه عنك: انت شخص ذكى و بتحب تحسب و تشوف هتودى فلوسك فين. انت مش شخص بخيل لكنك عايز تصرف فلوسك فى أحسن مكان و تاخد أحسن جودة و ده دايما اللى بتعمله… مش بتحب يضحك عليك بأسعار عالية أوى و دايما عايز تعرف الفايدة  اللى هتاخدها من كل جنيه بتدفعه.

ممكن تعجبك اماكن زى  سوق.كوم أو جوميا لأن عندهم أحدث الموديلات بأسعار مناسبة جدا.

ممكن تعجبك منتجات زى  الفستان ده شيك جدا و سعره حلو، لو بتحبى السكيرتس دى حلوة و سعرها خيالى و الجينز مفيش غنى عنه أكيد و سعره بردو هيعجببك

• هو مكان واحد لكل حاجة و مش هدور كتير

لو مكان بترتاح فيه و عنده مقاسك و اختيارات كتير مناسبة لستايلك ايه المشكلة انى اجيب منه كل حاجة؟ دايما الشرا بالنسبة لك بيكون سريع و مش مرهق عشان هما محلين تلاتة اللى مرتاح فيهم و مش بتغيرهم كتير و فيهم كل حاجة .. مش بتحب تجرب محلات جديدة لحسن تكون مضيعة للوقت و ميكونوش زى محلاتك المفضلة.

ده بيعرفنا ايه عنك: انت شخصية تقليدية شوية و مش بتحب تضيع وقت عشان تجرب حاجات كتير و عاجبك نفسك كده و مش بتفكر تغير ستايل لبسك و طريقتك، بتحب دايما تكون فى الأمان لحسن تجرب حاجة و تطلع وحشة. ساعات بتحب تجرب اماكن جديدة بس موثوق فيها من وقت للتانى و مين عارف ممكن فى يوم تغير ستايلك أو يبقى واحد من المحلات الجديدة دى على قائمة المحلات المفضلة عندك.

ممكن تعجبك اماكن زى  انيجما شوبنج أو Style treasure عشان منتجاتهم مناسبة لستايلك المحافظ و التقليدى.

ممكن تعجبك الساعة دى من كاسيو و موثوق فيها من زمان، ده كمان بيرفيوم Boss  ، أما الفستان ده مفيهوش اختراعات كتيرة و بسيط جدا.

• اللى مش مستعجل و بيحب ياخد وقته
  

بالنسبة لك الشرا مش حاجة كده تحصل فى يوم و ليلة لأ دى بتاخد وقت و ترتيب و تفكير كتير. مش بتنزل و تشترى اللى محتاجه و خلاص مينفعش لأن فكرة الشرا عندك بتمر بمرحلتين. أول واحدة هى عملية بحث تشمل عيلتك و صحابك و تدور بنفسك فى أكتر من محل و تشوف المنتج موجود فى كل محل و بكام و جودة كل واحد. المرحلة التانية بتكون شرا اللى انت عايزه و ده بعد ما تكون عرفت سلبيات و ايجابيات المنتج ده.

ده بيعرفنا ايه عنك: انت شخص مش بتحب تسيب مجال للأخطاء على قد ما تقدر. بتحب تشوف كل الاختيارات و تدرسها الأول قبل ما تختار عشان كده لازم تعدى على كل المحلات الأول عشان تتأكد أنك اشتريت اللى انت محتاجه بجد. دى حاجة كويسة بس ساعات بيكون عندك تردد زيادة لدرجة أن لو حد معاك ممكن يزهق عشان مش بيفكر زيك. بتخاف تشترى أول ما تنزل لحسن تندم بعد كده عشان ممكن يكون فى حاجة أحسن و عشان كده بتأجل الشرا للآخر.

ممكن تعجبك اماكن زى  Bespoke Egypt و سوق.كوم عشان ستايلهم هيعجبك و هيناسب شخصيتك المتأنية و عندهم اختيارات كتير ممكن تشوفهاعشان تعرف اللى يناسبك.

ممكن يعجبك العقد ده شكله مميز و الفستان الأسود ده شيك و بسيط .. الساعة دى شيك و مناسبة للخروج و تناسب كل ألوان اللبس.

• عايزين نشترى فى السريع
  

انت عكس الشخصية اللى قبل كده عشان بالنسبة لك الشرا مش حاجة مصيرية يعنى تعد تفكر و تدور و تعمل كل ده عشانها. لو شوفت حاجة و عجبتك هتشتريها بالبساطة دى.. حتى لو معندكش حاجة تمشى معاها بس هى عجبتك مش مهم الباقى. المهم أنك هتشتريها دلوقتى وبعدين تبقى تدور/ى على ايه اللى هيناسبها. معندكش ستايل محدد ممكن تلبس أى حاجة تعجبك و تناسبك. بتحب تجرب محلات جديدة و ستايلات جديدة لأن الموضوع بالنسبة لك سهل…. عجبتك هتشتريها بس كده.

ده بيعرفنا ايه عنك: انك شخص على طبيعتك أوى و بتفكر فى اللحظة اللى عايشها مش مهم بعد كده. ممكن يكون دولابك مليان بحاجات كتير ملهاش علاقة ببعض ومفيش حاجة تناسبهم عندك بس بردو انت مبسوط/ة لأن ليك ذوق فريد من نوعه و الناس دايما بتشوفك لابس جديد و حاجات مبتكرها مش بيعملها غيرك.

ممكن يعجبك اماكن زى  Frillu و Yashry لأن عندهم قطع هتناسب ذوقك المتغير دائما و تشكيلة منتجاتهم هتساعدك فى ده غير إن منتجاتهم مش هتلاقيها فى كل مكان و ده هيخليكى دايما غير كل الناس…

ممكن يعجبك الفستان ده بسيط بس شكله جديد. الشنطة دى كمان ممكن تعجبك و سعرها تحفة.. ولو بتحب الشاى و بتحب تستمتع بيه الماج ده هيديك احساس بالتراث العربى.

الناس زى ما بتختلف فى حاجات كتير هما مختلفين فى طريقة الشراء و ده بيكون بسبب اختلاف الشخصيات و كل واحد بيحب ايه و النظام اللى بيريحوا. أكيد فى أنواع أكتر من المكتوبين فوق فلو عندك ستايل فى الشرا تانى ياريت تساعدنا و تقولنا.

أهم حاجة أنك تستمتع بالشراء بتاعك و بالطريقة اللى تحبها…..