كتب: محمد عادل

المساحة الداخلية للموبايلات بتخلص بسرعة جدًا بسبب زيادة حجم البرامج وكمان الجرافيكس بتاعة الجيمز اللي اتطورت جدًا، وكل ده بياخد مساحة من الذاكرة الداخلية للموبايل، كمان بقى في اتجاه جديد عند معظم صُناع  الموبايلات إنهم يستغنوا عن ميزة كروت الميموري عشان يخلّوا الموبايلات أنحف وكمان عشان يخلّوها ضد البلل Waterproof، كل ده بيأثر على المساحة المتاحة للتخزين، عشان كده طلعت للنور ميزة OTG اللي بتخلّيك توصّل من فتحة الشحن وصلة ممكن تشغل عليها وصلات USB.

إحنا في ياقوطة جمعنالك ٧ من الموبايلات اللي تقدر توصل بيها فلاشة، وهنعرّفك مميزات وعيوب كل موديل وأحسن سعر ليه، ولو عجبك موبايل فيهم تقدر تطلبه من خلالنا ويكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

OnePlus 3 موبايل

تقييم الموبايل

 الموبايل بييجي بشاشة ٥٫٥ بوصة ١٩٢٠×١٠٨٠ بكسل من نوع Super AMOLED، يعمل ببروسيسور سناب دراجون 820، ورامات ٦ جيجابايت وذاكرة داخلية ٦٤ جيجابايت، وكاميرا خلفية ١٦ ميجابكسل وأمامية ٨ ميجابكسل، بطارية الموبايل ٣٠٠٠ مللي أمبير.

المميزات

• طوّرت شركة وان بلس في الموبايل فهنلاقيه بيشتغل بإصدار أندرويد مارشميلو بواجهة استخدام  OxygenOSواللي بتكون شبه الأندرويد الخام، فهي بسيطة وعملية وبتقدم ميزة Shelf وهي عبارة زر سريع يساعد على الوصول لكتير من الاختصارات اللي بتساعد المستخدم على إنجاز احتياجاته من الموبايل بكسل سهولة، وفيه كمان وضع Dark Mode المخصص لتوفير البطارية لما تقرب تخلص.

• أداء الجهاز قوي وسريع وسيقدم مكالمات فيديو وصوت عبر الانترنت إلى جانب انسيابية استخدام العديد من التطبيقات في نفس الوقت وكمان معالجة الرسوميات ومشاهدة الفيديوهات بجودة عالية الدقة تعتبر مثالية.
• البطارية بتدعم تقنية الشحن السريع.

العيوب

• سعة البطارية مش بالقوة المطلوبة.

• تجربة التصوير معقولة.
• ما تقدرش تزود ميموري خارجي.
• ما بيدعمش تشغيل راديو FM.
• مش بيدعم تقنية NFC.

شوف موبايل OnePlus 3 من هنا.

Infinix Hot S موبايل

تقييم الموبايل

موبايل إنفينكس هوت إس بيقدم شاشة ٥٫٢ بوصة، ومعالج ثماني النواه ١٫٣ جيجا هرتز، ورامات ٢/٣ جيجا، وسعة الذاكرة الداخلية ١٦/٣٢ جيجا بايت، وكاميرا الخلفية ١٣ ميجا بكسل الكاميرا الأمامية ٨ ميجا بكسل، والبطارية ٣٠٠٠ مللي أمبير ونظام التشغيل أندرويد مارشميلو.

المميزات

• موبايل إنفينكس هوت إس بييجي بتصميم أنيق ومتوازن وغير قابل للفك، وهنلاقي الواجهة الأمامية ليه وجوانبه من المعدن اللامع، والجانب الخلفي مش ناعم وده لسهولة التحكم فيه بإيد واحدة.
• أداء ميز من الموبايل أغلب الوقت.
• تصوير الموبايل بالكاميرا الخلفية مميز والألوان حادة وفي الصور الليلية صورها مقبولة وإن كانت مش بنفس قوة وكفاءة الصور النهارية.

• الكاميرا الأمامية بتقدم صور سيلفي جيدة، ولإن فيها فلاش شاشة Retina Flash فده بيخلي الصور منورة حتى في الإضاءة الضعيفة.

• بتقدم البطارية من ٣ إلى ٤ ساعات عند تشغيل شبكة الانترنت عبر الـ 3G وتشغيل الشاشة بشكل متوصل Screen-on time.

العيوب

• أحيانًا يفاجئ المستخدم بتوقف الموبايل عند تشغيل أكتر من برنامج في نفس الوقت.
• للأسف أداء الموبايل مش الأفضل للألعاب اللي بتتميز بجرافيك عالي وهتلاحظ سخونة صدرت منه وقتها.
• أحيانًا بتظهر الكاميرا الألوان بشكل حاد أكتر من اللازم وده بيأثر على جودة وجمال المنظر.

شوف موبايل Infinix Hot S من هنا.

 Samsung Galaxy J7 موبايل

تقييم الموبايل

  موبايل سامسونج جلاكسي J7  بيقدم شاشة ٥٫٥ بوصة، ومعالج ثماني النواة ١٫٤ جيجا هرتز، ورامات ١.٥ جيجا، وسعة الذاكرة الداخلية ١٦ جيجا بايت، وكاميرا ١٣ الخلفية ميجا بكسل الكاميرا الأمامية 5 ميجا بكسل، والبطارية ٣٠٠٠ مللي أمبير ونظام التشغيل أندرويد لولي بوب.

المميزات

• مكان السماعة مميز وموجودة على جانب الموبايل اليمين علشان الصوت بتاعها يكون واضح.

• دقة وضوح الشاشة مناسبة لحجمها وبتقدم درجة تباين جيدة للصور.

•  دقة وضوح الصور بالكاميرا الخلفية جيدة في الإضاءة الخارجية والإضاءة القوية.

• البطارية قادرة على العمل لمدة حوالي ١٨ ساعات متواصلة من المكالمات أو ٧٨ ساعة متواصلة من تشغيل الموسيقى.

العيوب

• استخدام الشاشة تحت أشعة الشمس مرهق شوية لإن المستخدم هيحتاج لرفع سطوع الشاشة بدرجة كبيرة.

• أداء الجهاز جيد مع التطبيقات الخفيفة، ولكنه بطيء عندما يحاول إتمام المهام المتعددة في وقت واحد multi-tasking.

• مش مناسب لهواة الألعاب اللي الجرافيك بتاعها عالي.

• واجهة المستخدم بسيطة وعملية وسريعة ولكنها مليئة بعض الشيء بتطبيقات سامسونج واللي مش بتفيد كتير من الناس خصوصًا مع وجود تطبيقات جوجل.

• دقة التركيز Focus بالموبايل سيئة وبتخرج الصور بشكل مش حلو.

• لإن الكاميرا مش بتتيح تقنية الثبات البصري فده بيفقد كتير من الصور جمالها.

شوف موبايل Samsung Galaxy J7 من هنا.

Lenovo K6 Note موبايل

تقييم الموبايل

 الموبايل بيقدم  شاشة ٥.٥ بوصة بدقة FHD بكثافة توزيع ٤٠١ بكسل في البوصة الواحدة، يعمل بمعالج سناب دراجون 430 وتردد ١٫٤ جيجا هرتز مع بطاقة معالجة رسوميات Adreno 505، ورامات ٣ أو ٤ جيجا بايت، و ذاكرة داخلية 32 جيجا بايت، كاميرا خلفية ١٦ ميجا بكسل وخلفية ٨ ميجا بكسل، وبطارية ٤٠٠٠ مللي أمبير.

المميزات

• موبايل لينوفو كي 6 نوت بييجي شاشة مميزة بدقة عالية مريحة في مشاهدة الفيديوهات وممارسة الألعاب، وزوايا الرؤية مريحة تحت أشعة الشمس.
• أدء الموبايل عالي في المهما البسيطة لكن ممارسة الألعاب التقيلة هيكون بطيء شوية.

• الموبايل بيقدم تجربة تصوير مرضية من خلال كاميرا خلفية ١٦ ميجا بكسل وتصور بدقة ١٠٨٠ بكسل واللي بتقدم  فيديو بدقة مناسبة وألوانه واضحة في ظروف الإضاءة المختلفة أو في ضوء الشمس.

• بطارية الموبايل بتقدم ٣١ ساعة من المكالمات الصوتية عبر الجيل الثالث من شبكات الموبايل، و ٦٠٠ ساعة من الانتظار.

العيوب

• إكسسوارات الموبايل مش من السهل توافرها بالأسواق.

• مش بييجي بأحدث نسخة تشغيل أندرويد.

• الجهاز مش بيقدم الجيل الجديد من اليواس بي USB-C

• ما بيقدمش تقنية الشحن السريع.

شوف موبايل Lenovo K6 Note من هنا.

موبايل Oppo F1s

تقييم الموبايل

 الموبايل بيقدم شاشة ٥٫٥ بوصة بدقة وضوح HD مغطاة بطبقة كورنينج جوريلا جلاس ٤، ويعمل ببروسيسور MT-7650 ثماني النواة بتردد ١٫٥ جيجا هرتز، ورامات ٣ أو ٤ جيجا بايت وذاكرة داخلية ٣٢ أو ٦٣ جيجا بايت، وكاميرا خلفية ١٣ ميجا بكسل وأخرى أمامية ١٦ ميجا بكسل، ويعمل الجهاز ببطارية ٣٠٧٥ مللي أمبير.

المميزات

• دقة وضوح الشاشة مناسبة لحجمها وبيقدم درجة تباين جيدة للصور، واستخدام الشاشة تحت أشعة الشمس ممتاز، كما أن نوع الزجاج المصنّع منه الموبايل يعطيه صلابة ومقاومة جيدة للخدش.
• أداء الموبايل قوي وسلس وسريع وده هيخلّي المُستخدم قادر على تشغيل ألعاب وتطبيقات ذات رسوميات رائعة، ولإن الذاكرة الدخلية كبيرة فمش هيحتاج يزود ميموري خارجي، وكمان واجهة المُستخدم بسيطة وعملية وسريعة.
• دقة وضوح الصور بالكاميرا الخلفية جيدة في الإضاءة الخارجية والإضاءة القوية، إلى القدرة على توزيع الكميات الضوئية بشكل مميز، فتخرج الصور متوازنة من ناحية الإضاءة، وتباين ألوان الصور جيد وبدرجاته الطبيعية، ولو انت من عشاق الصور السيلفي فأكيد هتستمتع مع الكاميرا الأمامية لاوبو لإن كاميرته بقوة ١٦ ميجا بكسل وهتلاقي صورك منورة.
• تعتبر البطارية من أهم مميزات الجهاز اللي بتركز عليها الشركة، واللي بتيجي بقوة ٣٠٧٥ مللي أمبير.
• الموبايل مزود بمستشعر بصمة قوي وسريع جدًا وبيسجل لغاية ٥ بصمات أصابع.
• ممكن تستعمل الموبايل كشاحن للموبايلات التانية مع خاصية OTG.
• ممكن تصور فيديو بتقنية التصوير البطيء.

العيوب

• خامة تصنيع هيكل الموبايل رديئة فتعكس إنه هاتف رخيص وغير أنيق.
• للأسف كاميرا الموبايل ما تدعمش تقنية OIS.
• مفيش لمبة إشعارات LED في الموبايل

شوف موبايل Oppo F1s من هنا.

موبايل Samsung Galaxy S7 Edge

تقييم الموبايل

الموبايل بييجي بشاشة ٥٫٥ بوصة بدقة وضوح QHD وهي من نوع Super AMOLED، ومعالج ثماني النواة ورامات ٤ جيجا بايت، وذاكرة داخلية ٣٢ جيجا بايت، ويتيح استخدام كارت ميموري لغاية ٢٥٦ جيجا بايت، وبطارية ٣٦٠٠ مللي أمبير، وكاميرتين خلفية ١٢ ميجا بكسل وأمامية ٥ ميجا بكسل.

المميزات

• الموبايل بيدي دقة وضوح عالية للصور والفيديوهات عبر شاشة الموبايل، كما أن الشاشة تقدم درجة تباين في الألوان ودرجة سطوع تخليها مميزة في العمل تحت أشعة الشمس، وكذلك لمشاهدة الفيديوهات والاستمتاع بالألعاب ذات الجرافيكس المليئة بالتفاصيل والألوان الزاهية.
• لإن طابع تصميم الموبايل منحني من جانبه الخلفي فده بيسهل حمل الموبايل بإيد واحدة لساعات طويلة بشكل مريح وبيدي المُستخدم شعور بالتحكم الكامل في الموبايل، بالإضافة للميزة اللي بتخليه مختلف عن النموذج الأصغر منه في الحجم، وهي حافتي الشاشة Edge، واللي بتميز الموبايل من خلال ما تتيحه من مزايا إضافة اختصارات للتطبيقات المفضلة لدى المُستخدم، وممكن يظبط من خلالها الوصول للبرامج والتطبيقات اللى بيتعامل معاها بسرعة.
• الجوانب المنحنية Edge للموبايل بتدي امتداد واسع للشاشة، وتقدر من خلاله أن يتصفح المُستخدم آخر الأخبار والإشعارات من حساباته على الشبكات الاجتماعية، بالإضافة إلى إمكانية وضع اختصارات سريعة لتطبيقاته المختلفة يوصل ليها بسرعة.
• يقدم الموبايل أداء متميز ويتيح المجال أمام المُستخدم إنه يستمتع بأداء قوي مع تشغيل العديد من التطبيقات في وقت واحد، بالإضافة لمعالجة الفيديوهات والألعاب ذات الرسوميات المتطورة بشكل مميز وسلس وسريع.
• موبايل سامسونج جلاكسي S7 إيدج بيقدم أداء مميز من حيث البطارية بسعة ٣٦٠٠ مللي أمبير، لإنه بيتيح للمستخدم أن يتعامل طول اليوم مع الموبايل بحرية كاملة، مع أوضاع الحفاظ على عمر البطارية المختلفة.
• الموبايل لديه قدرة على تشغيل فيديوهات لمدة ١٨ ساعة متواصلة بجودة HD، وطول الليل مش بتخسر البطارية من عمرها إلا ٢٪، وده بسبب تقنية Doze الجديدة الخاصة بتوفير عمر البطارية اللي بتوفرها نسخة أندرويد 6.1 مارشميلو.

العيوب

• بسهولة تلتصق بصمات المُستخدم بشاشة وهيكل هاتفه المعدني.

شوف موبايل Samsung Galaxy S7 Edge من هنا.

Oppo A37 موبايل

تقييم الهاتف

 شاشة الموبايل ٥ بوصة ١٢٨٠×٧٢٠ بكسل، يعمل ببروسيسور سناب دراجون 410 رباعي النواة ١٫٢ جيجا هرتز، ورامات ٢ جيجا بايت وذاكرة داخلية ١٦ جيجا بايت كاميرا خلفية ٨ ميجا بكسل وأمامية ٥ ميجا بكسل، بطارية الهاتف ٢٦٣٠ مللي أمبير.

المميزات

• موبايل أوبو إيه 37 تصميمه شيك معدني مريح للاستخدام وتقدر تتحكم فيه وتوصل لكل جزء في الشاشة بإيد واحدة.
• شاشة الموبايل بتقدم دقة عالية مقارنة بحجمها وسعر الموبايل، ومش هتحس بأي صعوبة في التعامل معاها تحت أشعة الشمس.
• الموبايل بيقدم أداء كويس بشكل عام، لكنه بيسخن ويهنج مع الجرافيكس والجيمز وأداء المهام المختلفة في وقت واحد، والموبايل شغال بأندرويد لولي بوب بواجهة ColorOS 3.0، واللي بتوفر اختصارات كتيرة للموبايل من خلال التعامل مع الشاشة بمجموعة إشارات، حتى لو كانت مقفولة، فمثلا هتفتح الكاميرا بإنك ترسم شكل دايرة على الشاشة، وكمان السيستم بيوفر ميزة Eye Protection لتقليل الإضاءة الزرقا الخارجة من الشاشة عشان ماترهقش عينك وانت بتستخدم الموبايل باليل أو في الضلمة.
• بطارية موبايل Oppo A37 تعتبر نقطة قوة بتساعد المُستخدم إنه يستمر في استخدام موبايله بالشكل العادي طول يوم كامل، وفي نفس الوقت مزودة بتقنية VOOC اللي بتخلي الموبايل يشحن من صفر لـ ٧٠٪ في ٣٠ دقيقة بس.

العيوب

• مفيهوش لمبة إشعارات LED.
• مع إنه بيدعم تقنية OTG بس لازم تنزل برنامج على الموبايل علشان يتعرف عليها وتقدر تنقل اللي انت عاوزه عليها.
• أزرار التحكم في الموبايل مش مضيئة.
• الكاميرا الخلفية للموبايل دقتها ضعيفة جدًا لو هنقارنها بالموبايلات التانية.
• رامات الموبايل وسعته الداخلية قليلين جدًا.

شوف موبايل Oppo A37 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.