ياقوطة هتقولك إزاي تشتري أحسن شنطة مدرسية لأولادك
كتبت: يارا الحميلي
من أهم الخطوات اللي في حياة طفلك، أول يوم مدرسة، ومن أكتر الحاجات المحيرة لأي أم أو أب جداد إزاي يختاروا شنطة المدرسة، عشان كده هنساعدك في ياقوطة على الاختيار وهنعرفك أنواع الشنط والفروقات ما بينهم وأهم الأنواع، هنعرفك مواصفات، ومميزات، وعيوب كل شنطة ولو عجبتك أي واحدة منهم وعايز تشتريها تقدر تعرف أحسن الأسعار ليها وتطلبها من خلالنا وهتوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع
أولًا: أنواع شنط المدرسة
النوع التقليدي
النوع ده بيتشال على الضهر وبيختلف في أحجامه وأشكاله.
شنطة مجسمة BZ ثلاثية الأبعاد
المواصفات
- الرقم المميز للسلعة: BZ159OT07WXR6NAFAMZ
- اللون: متعدد.
- صنع في مصر.
- الموديل: Frozen
- الأبعاد: 14 بوصة.
المميزات
- شنطة مميزة بجودتها العالية.
- مناسبة للأطفال اللي في سنوات الدراسة الأولى.
- بتعيش طول السنة وممكن لأكتر من سنة كمان على عكس معظم شنط المدرسة.
- أشكالها تحفة.
العيوب
- خدمة ما بعد البيع مش كويسة قوي.
ممكن تشوف شنطة BZ مجسمة ثلاثية الأبعاد عالية الجودة من هنا.
الشنط الترولي
الشنط دي بتتجر بعجل وفي نفس الوقت فيها حمالات عشان لو الطفل حب يشيلها أثناء طلوع السلم مثلًا.
شنطة ضهر ترولي للمدرسة مجسمة (بن تن) للأولاد- 45 سم + مقلمة مجسمة + لانش بوكس مجسم – مع إمكانية استعمال الشنطة بدون تروللي
المواصفات
- المجموعة المستهدفة: أطفال.
- الرقم المميز للسلعة: 2724467422936
- النوع: شنطة مدرسة بعجل.
المميزات
- فيها كذا حاجة في نفس الوقت: مقلمة ولانش بوكس.
- ممكن تستخدم كشنطة عادية من غير تروللي.
- مريحة بالذات في الأيام اللي بتكون فيها الشنطة تقيلة.
العيوب
- خدمة ما بعد البيع سيئة.
- الخامات بتاعتها ضعيفة.
- في مدارس بتمنع استخدام الشنط دي.
- سعرها غالي.
- مش عملية عشان العجل بيتكسر من الأولاد.
- مش بيعرفوا يطلعوا بيها السلم.
- تقيلة شوية.
ممكن تشوف شنطة ضهر تروللي من هنا.
شنط ساعي البريد
الشنط دي بتبقى بكتف واحد وبتبقى مناسبة أكتر للمراحل الدراسية الأكبر
شنطة Andora كروس- بني
المواصفات
- الرقم المميز للسلعة: AN141FA03DP4KNAFAMZ
- الموديل: 25BAG1820-1
- الخامة الأساسية: قطن.
- اللون: بني.
المميزات
- شكلها حلو ومناسب للمراهقين.
- شكلها شيك.
- مصنوعة من الجلد.
- حجمها صغير.
العيوب
- تقفيلها مش مثالي.
- سعرها غالي شوية بالنسبة لحجمها.
ممكن تشوف شنطة كروس Andora من هنا.
إرشادات ونصائح عند اختيار شنطة طفلك
- اختار حجم الشنطة يبقى مناسب لطول الطفل.
- خامة الشنطة مهمة جدًا وأهم من الشكل عشان تعيش.
- لازم نشرك الطفل في عملية اختيار الشنطة عشان يختار شنطة مناسبة لطفلك ولسنه بالذات لو الطفل كان صغير عشان الشنطة ممكن تحببه في فكرة إنه يروح المدرسة.
- مهم جدًا إن الشنطة يكون فيها جيب عشان يتحط فيها الزمزمية ولازم تكون متقسمة بالذات لو الطفل صغير عشان تسهل عليه عملية تنظيم حاجته.
- يفضل إنك تختاري الألوان الغامقة واللي مش بتتوسخ بسرعة.
- يفضل إن الشنطة متتعداش 10% من وزن الطفل عشان متعملوش مشاكل صحية.
- حط لازق فسفوري على جوانب الشنطة عشان يبقى الطفل باين للناس اللي بتسوق وهو بيركب الأوتوبيس.
- الشنطة لازم يكون ضهرها مبطن عشان ما يضايقش الطفل.
- ماتخليش الطفل ياخد كل الكتب كل يوم وخليه ياخد اللي محتاجة بس عشان تقللي الحمل من عليه.
- الإيدين العريضة أفضل لإنها بتقلل الحمل من على الكتف والرقبة.
نصايح للحفاظ على الشنطة
- لازم الشنطة تتنضف أسبوعيًا.
- لازم تعود الطفل على إنه يعلق الشنطة من المكان المخصص لده إلى بيبقى فوق.
- لو الشنطة مصنوعة من الجلد فلازم تتهوى كل أسبوع عشان الجلد ميعملش ريحة.
- ماتملاش الشنطة على الأخر عشان ده ممكن يخليه تتقطع أو يبوظ السوستة.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
يارا الحميلي، أنا أم لطفلين، بكتب عن الأمومة والحياة الأسرية، عشان كده هتلاقوا دايماً في مقالتي عن التجربة الشخصية، يعني بكتب عن الحاجة كأن جربتها فعلاً أو على الأقل اتكلمت ودورت حد استخدمها بالفعل عشان أضمن إن المعلومة تكون فعلاً مظبوطة. مؤمنة جدًا إن مفيش حاجة اسمها الأفضل لطفلك عشان كل طفل مختلف. عشان كده دايمًا مقالاتي هتلاقوا فيها بحث ومقارنة موضوعية عشان تقدروا تحددوا إنتم إيه الأفضل ليكم ولأطفالكم. أنا أم عاملة وعندي شغف بكل ما يخص الطفل. عندي تجارب في الكتابة في صحف زي الأهرام ويكلي، والأهرام الاستراتيجي ومجلة بيبا.