كتبت: شذا وليد

لو كنت من الناس اللي بتعشق الشتاء وبتستناه من السنة للسنة أو من الناس اللي مش بتحبه وتتمنى إنه يخلَص على خير، محدش يقدر ينكر إن فصل الشتاء ليه متعة ومذاق خاص في كل حاجة. بداية من الجو العام والنهار القصير والليالي الطويلة لحد لبس الشتاء الأنيق وكُباية الشوكولاتة السخنة مع فيلم بتحبه وانت متدفي في السرير. عيب الشتاء بقى إن بيوتنا نفسها مابتبقاش دفاية كفاية أغلب الوقت للأسف، وده لإنها مش مُصممة للتكيف مع البرودة ولا مُزودة بنظام تدفئة مركزية زي بره عشان فصل الشتاء عندنا يادوب شهرين أو ثلاثة في السنة. عشان احنا في ياقوطة يهمنا استمتاعك بالشتاء وانت في بيتك، جبنالك النهارده مجموعة من النصائح والمنتجات اللي هتحتاجها عشان تخلّي بيتك دفا في الشتاء. وأحلى حاجة إنك هتقدر تشوف وتقارن المنتجات دي أونلاين وتطلبها وتوصلك لحد البيت من غير ما تنزل تتسوق في البرد ده.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

نصائح لبيت أدفأ في الشتاء

استخدم ستائر البيت لمصلحتك

مهم إن الستائر متبقاش خفيفة عشان ماتساعدش على دخول الهواء البارد للبيت. لو عندك طبقتين من الستائر (عادة بتبقى واحدة أخف من الثانية وشفافة أكثر) يبقى أحسن بكتير عشان ماتدخلش هواء كتير، أول ما تصحى الصبح حاول تفتح الستائر كلها عشان الشمس تدخل البيت وتدفيه على مدار اليوم، حتى لو الجو برد بس أشعة الشمس الدافية هتخلّي البيت أدفى، أما بقى بالليل أو أول ما الشمس تُغرب، اقفل الستائر كويس عشان الحرارة تفضَل متركزة في البيت.

اعزِل شبابيك البيت كويس

للأسف الزجاج مش أحسن شيء بيعزل الحرارة وده بيخلي البيت بارد أغلب الوقت، عشان تتغلب على المشكلة دي استخدم الفقاعات الهوائية bubble wrap عشان تعزل الحرارة، أيوه هي دي اللي بنحب نلعب بيها لما يكون ملفوف حوالين حاجة جديدة، كل اللي عليك تعمله إنك تجيب بَكَرَة كبيرة من الفقاعات الهوائية وتقصها حسب حجم الشباك، خلّي الجانب البارز اللي عليه الفقاعات هو اللي ناحية الشباك واستخدم بخاخة فيها مياه عشان تثبته، خليك ضاغط شوية عشان يثبت، طبيعي مش هيبقى شكله حلو أوي بس هيعزل الحرارة بشكل أحسن كتير.

تقدر تشتري فقاعات هواء بالحجم اللي انت عايزه من هنا.

خلّي المروحة تدفّي البيت

نصيحة غريبة، صح؟ بس علميًا مروحة السقف لما تلف في اتجاه عقارب الساعة على سرعة بطيئة بتجذب الهواء البارد بعدين تدفَع الهواء الدافئ لتحت، وبالتالي هتخلّي الغرفة اللي انت قاعد فيها أدفى ومريحة أكثر، في الصيف، المروحة بتلف عكس اتجاه عقارب الساعة عشان تدفع الهواء البارد لتحت، فهم طريقة عمل المروحة هيساعدك في تدفئة البيت وكمان هيوفر عليك فلوس تشغيل الدفاية بشكل مستمر، على حسب موديل مروحتك، يا إما بتعكس اتجاه دورانها من جهاز التحكم أو بزر يدوي موجود على المروحة نفسها.

تقدر تشوف تشكيلة مراوح سقف من هنا.

استخدم الدفاية بشكل أحسن

طبعًا كلنا بنجري نشغّل الدفاية أول ما الدنيا تبرد شوية، بس للأسف الدفاية بتستهلك كهربا كتير، عشان تستفيد منها استفادة قصوى، حط ورق ألومنيوم aluminum foil ورا الدفاية عشان يعكس الحرارة للغرفة بشكل أكتر كفاءة ويدفّيها كويس، خلّي بالك إنك متحطش الألومنيوم قريب أوي من الدفاية أو فوقها مباشرة عشان ميعملش حريق.

تقدر تشوف موديلات متنوعة من الدفايات من هنا.

 ودفايات زيت بالكهرباء من هنا.

استخدم شموع معطرة

دي طريقة سهلة وسعرها معقول عشان تدفي البيت، الشموع هتديك إحساس بالدفء وكمان هتخلّي البيت ريحته حلوة وتساعدك على الاسترخاء، من أكتر الروائح المُناسبة لجو الشتاء هي الروائح الخشبية زي خشب الأرز وخشب الصندل، وممكن تجرب روائح شرقية زي البرغموت أو القرفة. ممكن ناس تفضل شموع بروائح تفكرّهم بالأعياد والكريسماس زي الفانيليا أو البسكويت.

تقدر تشوف أشكال وروائح مختلفة من الشموع المعطرة من هنا.

استخدم الفرن

ليه تجيب شموع برائحة البسكويت لما ممكن تعملها بنفسك؟ لما تستخدم الفرن عشان تعمل أكلة، سواء حلو أو حادق، الحرارة هتنتشر في البيت كله وتخليه دافي. بعد ما تخلص عَمَل أكلتك المفضلة، سيب باب الفرن مفتوح شوية عشان تخلّي البيت أدفى وكمان ريحته حلوة بشكل طبيعي.

ممكن تبُص على أفران بموديلات وأحجام متعددة هنا.

شوف براونيز بالآيس كريم من هنا.

استخدم سجاجيد أكتر

السجاجيد من الحاجات اللي بتحفظ الحرارة في الغرفة، بالذات لو عندك أرضيات خشب، ده هيخلي الحرارة تهرب أسرع، وعشان كده مهم إنك تحُط سجاجيد في الغرف وهتلاحظ الفرق بنفسك.

تقدر تشوف تشكيلة متنوعة من السجاجيد هنا.

احتفظ بالحرارة في مكان واحد

في الشتاء الواحد ما بيصدَق يقعد في مكان في البيت ويلاقيه دافي، وكمان بسبب إن بيوتنا مش مُصممة إنها تحتفظ بالحرارة بشكل يمنَع البرد، حاول تحتفظ بالحرارة في مكان واحد على قد ما تقدر. يعني لو كل أفراد الأسرة قاعدين في غرفة واحدة يبقى اقفلوا أبواب بقية الغرف عشان تفضلوا محتفظين بالحرارة أطول وقت ممكن.

وطالما اجتمعتوا في مكان واحد كده، ممكن تقضوا وقت حلو كعائلة وتسهروا على فيلم، ممكن تشوف المقالة دي عشان تحضّر السهرة صح  مستلزمات السهرة العائلية في البيت .

منتجات لبيت أدفأ في الشتاء

بعد ما تظبط البيت كويس وتخليه دافئ، ياقوطة بتقترح عليك بعض المنتجات اللي هتخليك انت شخصيًا دفيان ومرتاح في البيت.

بطانية بأكمام

ده اختراع رائع هيخليك تستمتع بالقعدة في البيت من غير ما تحتاج تلبس الدولاب كله عشان تدفى.

تقدر تشوف بطانية بأكمام من هنا.

بطانية حرارية

محدش بيحب ينام والسرير ساقع، البطانية دي بتتوصل بالكهرباء وتدفيك وانت نايم، كمان السخونة بتقلل آلام الظهر والرقبة.

تقدر تشوف البطانية الحرارية من هنا.

مُسَخن الكوب Cup warmer

في الجو ده المشروبات السخنة بتبرَد بسرعة جدًا وهنا دور مُسَخن الكوب عشان يخلّي مشروباتك دافية في أي وقت، وبياخد لحد أربعة أكواب.

تقدر تشوف مُسَخن الكوب من هنا.

حاجز للأبواب

ساعات حتى لو عملت كل حاجة عشان تدفي البيت، هتلاقي فيه تيار خفيف من الهواء البارد جاي من فتحات تحت الأبواب، الحاجز ده بتحطه تحت الباب عشان يمنع الحرارة إنها تخرج بره البيت، ميزته إنه ينفع في الصيف كمان عشان ميدخلش هواء ساخن من بره لو مشغّل تكييف.

تقدر تشوف حاجز للأبواب من هنا.

لو عايز تشوف منتجات تانية لشتاء أكثر دفئًا، ممكن تقرأ المقالة دي  ٨ أفكار للاستمتاع بشتاء مغلف بالدفء.

شاركنا وقولنا انت بتعمل عشان تفضل دافي وانت في البيت؟