كتب: خالد عاصم

لو إنت من الناس اللي بتفضل تشتري أكل البيت بالشهر أو بتحب تشتري كميات كبيرة من الأكل في وقت بيكون سعره فيه مناسب وتخزنة، فاكيد فريزر التلاجة مش هيكون كافي إنه يخزن كل الأكل اللي انت محتاج تخزنه، فلا المساحة والسعة ولا درجة التبريد هيكونوا كافيين عشان تقدر تحافظ على الكميات دي، وهنا بييجي دون جهاز مهم جدًا من الأجهزة المنزلية وهو الديب فريزر اللي هيقدر فعلًا يوفر الإمكانيات اللي محتاجاها لتخزين أكبر قدر ممكن من الأكل والأطعمة.

ولما نتكلم عن الديب فريزر فهنلاقي شركات كتير أوي بتقدم مجموعة ممتازة في السوق المصري من بين الشركات دي شركة وايت ويل واللي بتقدم مجموعة متميزة ومتنوعة من الديب فريزر اللي قدرت تحقق معادلة مهمة من خلال تقديم مميزات قوية وسعر مقبول مثالي وفي المتناول وكمان ضمان وخدمة ما بعد البيع.

النهارده في المقال ده هنتعرف على مجموعة من أبرز موديلات الديب فريزر المتنوعة والمختلفة اللي بتوفرها شركة وايت ويل في السوق المصري.

ولو أي ديب فريزر عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز موديلات الديب فريزر المتوفرة في السوق المصري

ديب فريزر وايت ويل رأسي نوفروست سعة ٢٦٠ لتر ديجيتال

أول موديلات الديب فريزر من وايت ويل اللي هنتكلم عنها هو الموديل الرأسي الرقمي واللي بيتميز بمجموعة من المميزات الرائعة، على مستوى السعة مثلًا فالفريزر سعته ٢٦٠ لتر متقسمة على سبع أدراج يعني مساحة تخزين ممتازة من حيث المساحة وكمان ممتازة من حيث التنظيم، الفريزر بيمتاز بإمكانية التحكم الدقيق في درجة الحرارة وكمان فيه نظام سوبر فريزر للتجميد على أقل درجات حرارة ممكنة ده غير خاصية التجميد السريع والتجميد العالي، وبيتيح الفريزر التحكم في التجميد من خلال شاشة ديجيتال بتشتغل باللمس، وكمان فيه جهاز إنذار، أما التصميم فرائع جدًا وجذاب بشكل كبير.

اتعرف على عروض أسعار ديب فريزر وايت ويل رأسي نوفروست ٧ درج من هنا.

ديب فريزر وايت ويل أفقي سعة ٣٠٠ لتر

لو عايز فريزر بسعر اقتصادي وسعة تخزين كبيرة ومابيفرقش معاك أوي الإمكانيات الرقمية، فالديب فريزر ده هو المناسب، وده ديب فريزر بتصميم كلاسيكي أفقي بيتفتح من فوق، وبيتميز الفريزر بسعة كبيرة ٣٠٠ لتر مع إمكانية غلق الفريزر بإحكام من خلال مفتاح، وبيتوفر فيه لوحة للتحكم في درجة الحرارة وكمان فيه إضاءة داخلية بتشتغل أوتوماتيك بمجرد ما تفتح الديب فريزر.

اتعرف على عروض أسعار ديب فريزر وايت ويل الأفقي ٣٠٠ لتر من هنا.

ديب فريزر وايت ويل رأسي نوفروست سعة ٢٢٠ لتر ديجيتال

من الأجهزة الرأسية الممتازة اللي بيتمتع بتصميم جذاب جدًا سواء التصميم لخارجي الشيك باللون الفضي والاعتماد على الستانليس ستيل اللي بيضيف لمسة شيك وكمان بيحافظ على الفريزر، الفريزر سعته ٢٢٠ لتر متقسمة على سبع أدراج وفيه شاشة ديجيتال لعرض درجة الحرارة وفيه ترموستات للتحكم في مستويات التبريد، مقبض الفريزر مصنوع من الألومنيوم عشان متانة أتر وتعيش أكتر.

اتعرف على عروض أسعار ديب فريزر وايت ويل الرأسي سعة ٢٢٠ لتر من هنا.

ديب فريزر وايت ويل أفقي سعة ٢٩٥ لتر

الديب فريزر اللي بيقف في مساحة بين الموديلات اللي اتكلمنا عنها من شوية، الفريزر بتصميم أفقي بس مش كلاسيكي باللون الأبيض لا باللون الفضي وبيعتمد على الستانليس ستيل في صناعته يعني أفضل شوية من حيث التصميم من الديب فريزر العادي، وبيتمتع بسعة كبير برضه ٢٩٥ لتر وبيتميز الفريزر بلوحة تحكم أمامية وبإمكانية الغلق بمفتاح وبخاصية التجميد السريع، ومن بين مميزاته إن فيه باب داخلي من الزجاج يعني تقدر تفتح الباب الرئيسي وتحدد مكان الحاجة اللي عايزها من غير ما تقلل تبريد الفريزر من خلال فتحه، وبيساعدك على ده وجود إضاءة داخلية أوتوماتيكية.

اتعرف على عروض أسعار ديب فريزر وايت ويل الأفقي سعة ٢٩٥ لتر من هنا.

اتعرف على عروض أسعار أجهزة الديب فريزر من وايت ويل من هنا.

اتعرف على عروض أسعار مختلف موديلات الديب فريزر على ياقوطة من هنا.

اتعرف على عروض أسعار مختلف الأجهزة المنزلية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.